Vladimir Putin Shavkat Mirziyoyevni O‘zbekiston Mustaqilligi kuni bilan tabrikladi

Rossiya prezidenti Vladimir Putin O‘zbekiston prezidenti Shavkat Mirziyoyevni O‘zbekiston Mustaqilligi kuni bilan tabriklab, mamlakatning jahon miqyosidagi mavqei mustahkamlanayotganini ta’kidladi,deya xabar berdi Kreml sayti.

“Hurmatli Shavkat Miromonovich, O‘zbekiston Respublikasining milliy bayrami – Mustaqillik kuni munosabati bilan samimiy tabriklarimni qabul qiling. Mamlakatingiz ijtimoiy-iqtisodiy taraqqiyot yo‘lidan dadil qadam tashlab, mintaqaviy kun tartibidagi muhim masalalarni hal etishda faol ishtirok etib, jahon miqyosida o‘z mavqeini mustahkamlamoqda. Rossiya-O‘zbekiston munosabatlari strategik sheriklik va ittifoqchilik xarakteriga ega. Moskva va Toshkent turli yo‘nalishlarda faol hamkorlik qilmoqda, MDH, SHHT va boshqa ko‘p tomonlama tuzilmalar doirasida samarali hamkorlik qilmoqda”, — deyiladi tabrik matnida.

Putin, shuningdek, Markaziy Osiyoda xavfsizlikni mustahkamlash manfaati yo‘lida mamlakatlar o‘rtasidagi aloqalarni kuchaytirishga ishonch bildirdi.

“Ishonchim komilki, biz birgalikdagi sa’y-harakatlar orqali do‘st xalqlarimiz farovonligi, Markaziy Osiyoda xavfsizlik va barqarorlikni mustahkamlash manfaatlari yo‘lida konstruktiv ikki tomonlama aloqalarni izchil oshirishda davom etamiz”, — deyiladi tabrikda.

Rossiya yetakchsi, shuningdek, O‘zbekiston rahbariga mustahkam sog‘lik va muvaffaqiyatlar, mamlakatning barcha fuqarolariga baxt va farovonlik tiladi. “Zamin”ni Telegramʻda oʻqing!