O‘zbekiston mahallasi — Qozog‘iston uchun namunadir, dedi Samarqandda bo‘lib o‘tayotgan "Aholi turmush darajasini oshirishda mahallaning o‘rni" konferensiyasida Qozog‘iston vakili Sarkitbek Moldabay.
“Odatda, biz biror narsani qabul qilmoqchi bo‘lganimizda, biz G‘arb davlatlarining tajribasini o‘rganamiz, lekin bu mutlaqo to‘g‘ri emas, ularning e’tiqodi boshqacha, ularning mentaliteti boshqacha, lekin qo‘shnilarimizda bor narsa bizga yaqinroq.
O‘zbekiston mahallasi — Qozog‘iston uchun namunadir. Uning o‘ziga xosligi shundaki, u butun mamlakat aholisini qamrab oladi, buning natijasida birorta ham odam e’tibordan chetda qolmaydi", - dedi u.
"2021 yilda O‘zbekiston tajribasi va Qozog‘istonning o‘zini o‘zi boshqarish tarixidan kelib chiqib, "Oshak" nomli mahalla institutini tashkil etdik. Bizda bu yo‘nalishda qonunchilik bazasi yo‘qligi sababli u hali siznikichalik rivojlangani yo‘q”, — dedi "Oshak" Barqaror rivojlanish markazi” jamoat birlashmasi rahbari Sarkitbek Moldabay.
Anjumanda so‘zga chiqqan UNFPAning O‘zbekistondagi vakili Nigina Abaszade boshqa davlatlar ham o‘zini o‘zi boshqarish tizimini rivojlantirish bo‘yicha O‘zbekiston tajribasi bilan yaqindan tanishish kerakligini aytdi.
“Mahalla aholi va davlat tuzilmalari o‘rtasidagi ko‘prik bo‘lib, u o‘zini-o‘zi tashkil etuvchi tuzilma bo‘lib, muhim ta’sirga ega va O‘zbekiston hukumati unga katta yordam ko‘rsatmoqda.
Hukumat mahalla institutidan joylarda ijobiy o‘zgarishlar va islohotlarni rag‘batlantirish uchun dastagi sifatida foydalanmoqda. Bu ko‘plab mamlakatlar uchun foydali bo‘ladigan juda qiziqarli model”, — dedi Nigina Abaszade. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Dunyoning mashhur ayollari kunni qanday boshlaydi?
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ukraina ilk bor AQSH raketasi bilan Rossiyaga zarba berdi
Borrel: AQSH Rossiyaga 300 kilometrgacha ichkariga zarba berishga ruxsat berdi
