Qizlar uchun bepul SMM kursining ikkinchi toʻlqiniga arizalar qabul qilinmoqda

^{Foto: Ilya Semendeyev / Spot}
Xotin-qizlar uchun bepul SMM kursining ikkinchi toʻlqiniga arizalar qabul qilinmoqda. Bu haqda Toshkent shahar hokimligining “Toshkent yoshlarni sevadi” loyihasi kanalida ma'lum qilindi.

2024-yilning oktyabr oyida loyiha doirasida poytaxt hokimligi 1000 nafar qiz SMM boʻyicha bepul oʻqitilishini ma'lum qilgandi.

Birinchi mavsumda 500 nafar qiz kurslarda bepul oʻqitilib, ularga sertifikatlar topshirildi. Loyihaning ikkinchi mavsumida keyingi 500 nafar qizni oʻqitish rejalashtirilmoqda.

Unda Toshkent shahrida doimiy istiqomat qiluvchi, 30 yoshgacha hamda vaqtincha ishsiz boʻlgan qizlar ishtirok etishlari mumkin.

Qabul qilinganlarga yashash hududiga yaqin boʻlgan oʻquv markazida quyidagilar oʻrgatiladi:

- ijtimoiy tarmoqlarni yuritish;
- targeting va maqsadli auditoriya tahlili;
- grafik kontent yaratish;
- kopirayting;
- mobilografiya;
- B2B sotuvlar;
- shaxsiy brend;
- portfolio yaratish va boshqalar.

Buning uchun nomzodlar joriy yilning 5-fevraligacha @smaktabbot Telegram-boti orqali roʻyxatdan oʻtishlari kerak. Batafsil ma'lumotlarni havola orqali olish mumkin. “Zamin” yangiliklarini “Telegram”da kuzatib boring