10 iyuldan ipoteka subsidiyasi uchun ariza qabul qilinadi

Iqtisodiyot va moliya vazirligi 10 iyuldan boshlab ipoteka kreditlari bo‘yicha subsidiya olish uchun arizalarni qabul qilish boshlanishini ma’lum qildi.

Hujjatlar Davlat xizmatlari markazlari yoki my.gov.uz elektron portali orqali onlayn tarzda topshirilishi mumkin. Bu imkoniyat orqali o‘z uyiga ega bo‘lishni rejalashtirayotganlar davlat tomonidan moliyaviy ko‘mak olishlari mumkin bo‘ladi.

Subsidiyaga da’vogarlar quyidagi shartlarga mos bo‘lishi shart:

• Ijtimoiy mezonlar asosida kamida 30 ball to‘plagan bo‘lishi;
  
• Oilaviy daromad oyiga hududlarda 3 118 500 so‘mdan 9 240 000 so‘mgacha, Toshkent shahri uchun esa 10 626 000 so‘mgacha bo‘lishi lozim;
  
• Ariza beruvchi va uning turmush o‘rtog‘i nomida uy-joy mavjud bo‘lmasligi kerak.
  

Ayni paytda ijtimoiy himoyaga muhtoj shaxslar uchun alohida, yengillashtirilgan talablar belgilangan. Subsidiya olishni istaganlar ijtimoiy mezonlar bo‘yicha kamida 30 ball to‘plashi zarur — bu talab asosiy shartlardan biri hisoblanadi.

Iqtisodiy jihatdan uy-joyga muhtojlar uchun bu dastur katta imkoniyat bo‘lishi mumkin. Eng muhimi, barcha jarayon shaffof va elektron shaklda amalga oshiriladi.

Siz ham o‘z uyingizni davlat yordamida olishni xohlaysizmi? Unda 10 iyulni qo‘ldan boy bermang! “Zamin”ni Telegramʻda oʻqing!