Mirobodda ta’mirdagi binodan yong‘in chiqdi

13 iyul kuni soat 18:06 larda Toshkent shahri Mirobod tumanida joylashgan Shayxun ko‘chasida ta’mirlanish jarayonida bo‘lgan binoning yong‘inga chulg‘angani haqida shahar Favqulodda Vaziyatlar Boshqarmasiga xabar berildi.

Hodisa joyiga yong‘in o‘chirish guruhlari bor-yo‘g‘i 5 daqiqada — soat 18:11 da yetib borishdi. O‘t kuchli harakatlar natijasida soat 18:33 da cheklandi va 18:40 da butunlay bartaraf etildi.

Ayni vaqtda vaziyat to‘liq Toshkent shahar FVB tomonidan nazoratda saqlanmoqda.

Hodisa oqibatida jabrlanganlar haqida hozircha rasmiy ma’lumot kelib tushmagan. “Zamin”ni Telegramʻda oʻqing!