Toshkentda o‘tkazilgan ICT Week Uzbekistan doirasidagi so‘rov natijasiga ko‘ra, ishtirokchilarning 76 foizi transport muammolarini hal qilishni sun’iy intellektga ishonishini bildirgan, deb Tashkent Today xabar berdi. So‘rovni IT-kompaniya Sergek tashkil qilgan. Unda 20 ming tashrifchidan 3 mingdan ortig‘i qatnashgan.
Foydalanuvchilar IIni transport bilan bog‘liq muammolar — tirbandlik, taksi narxlarining oshishi, hovlilar orqali aylanma yo‘llar kabi masalalarda qo‘llash tarafdori ekanini bildirgan.
Ikkinchi o‘rinda — ekologiya masalalari: 53 foiz ishtirokchi havo sifati, ko‘kalamzorlashtirishni IIga ishonishini aytgan. Qolgan sohalar quyidagicha: xavfsizlik (33%), madaniyat va ko‘ngilochar yo‘nalishlar (31%), tibbiyot va ta’lim (29%), 24/7 raqamli servislar (29%).
“Zamin”ni Telegramʻda oʻqing!
