Oʻzbekistonda oliy taʼlim muassasalari bitiruvchilarini ish beruvchilar bilan bogʻlaydigan raqamli ekotizim ishga tushirilishi rejalashtirilmoqda. Bu haqda prezident Shavkat Mirziyoyev oʻzining parlament va xalqga murojaatida maʼlum qildi.
Yangi tizim yosh mutaxassislar va malakali kadrlar talab qilayotgan korxonalar oʻrtasida toʻgʻridan-toʻgʻri koʻprik vazifasini bajaradi. Raqamli ekotizimda talabalar akademik koʻrsatkichlari hamda korxonalardagi boʻsh ish oʻrinlari haqidagi maʼlumotlar onlayn tarzda aks ettiriladi.
Bu ish beruvchilarga potentsial xodimlar haqida toʻliqroq tasavvurga ega boʻlish, bitiruvchilarga esa mehnat bozorida tezroq yoʻl topish imkonini beradi. Ushbu tizimning joriy etilishi yosh mutaxassislar uchun ish qidirish vaqtini qisqartirishi va kompaniyalar uchun kadrlar tanlash jarayonini soddalashtirishi kutilmoqda.
Shuningdek, Oʻzbekiston oliy oʻquv yurtlari bitiruvchilari uchun Janubiy Koreyada ishga joylashish imkoniyatlari kengaymoqda. Kyonssanbuk-do provinsiyasi E-7 vizasi orqali malakali mutaxassislarni ishga qabul qilishni rejalashtirayotgan hududlardan biriga aylandi.
Mehmon guruhidagi foydalanuvchilar ushbu nashrga izoh qoldira olmaydi.
