2025 yilda O‘zbekistonda giyohvandlik vositalari bilan bog‘liq jinoyatlar bo‘yicha 3,8 ming nafar shaxs javobgarlikka tortildi. Rasmiy ma’lumotlarga ko‘ra, ularning qariyb 93 foizi yoshlar hisoblanadi. Bu haqda podrobno.uz xabar beradi.
Bu statistika 30 yanvar kuni respublika tezkor-profilaktik oyligi startiga bag‘ishlangan matbuot anjumanida e’lon qilindi. Ichki ishlar vazirligi va tegishli idoralar keltirgan raqamlarga ko‘ra, 30 yoshgacha bo‘lgan huquqbuzarlar soni 3,7 ming nafarni tashkil etgan.
Yoshlar orasida 124 nafar oliy ta’lim muassasasi talabasi, shuningdek 111 nafar voyaga yetmagan bor. Voyaga yetmaganlarning 59 nafari umumta’lim maktablari o‘quvchilari ekani qayd etildi.
Yoshlar ishlari agentligi va huquqni muhofaza qiluvchi organlar vakillari bunday ko‘rsatkichlar tarbiya hamda profilaktika yo‘nalishida hamkorlikni kuchaytirishni talab qilishini ta’kidladi.
Avvalroq Bekobodda huquq-tartibot idoralari xodimlari qariyb 2 kilogramm opiy va uning savdosidan olingan pul mablag‘larini musodara qilgani haqida xabar berilgandi.
“Zamin”ni Telegramʻda oʻqing!
