Andijonda maktab o‘quvchisi tanishini pichoqlab qo‘ydi

14:47 / 09.02.2026·268·Jamiyat

Qisqacha

Andijon viloyatining Buloqboshi tumanida 17 yoshli maktab o‘quvchisi avvalgi nizo sabab tanishiga xo‘jalik pichog‘i bilan tan jarohati yetkazgan, jabrlanuvchi vafot etgan. Voqea 2026 yil 6 fevral kuni sodir bo‘lgan. Holat yuzasidan Jinoyat kodeksining 97-moddasi bilan jinoyat ishi qo‘zg‘atilgan. Voyaga yetmagan gumonlanuvchi ushlangan, tergov harakatlari davom etmoqda.

Andijon viloyatida og‘ir jinoyat qayd etildi: 17 yoshli maktab o‘quvchisi tanishi bilan avvalroq kelib chiqqan nizo oqibatida janjallashib, unga xo‘jalik pichog‘i bilan tan jarohati yetkazgan va oqibatda u vafot etgan.

Bosh prokuratura matbuot kotibi Hayot Shamsuddinov ma’lum qilishicha, voqea 2026 yil 6 fevral kuni Buloqboshi tumanida sodir bo‘lgan. Tarmoqlarda tarqalgan ayrim xabarlarda jabrlanuvchining 19 yoshda ekani aytilmoqda.

Holat yuzasidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan. Voyaga yetmagan gumonlanuvchi protsessual tartibda ushlangan, hozirda tergov harakatlari olib borilmoqda.