Toshkent viloyatining Bostanliq tumanida mushuklarga nisbatan shafqatsizlik qilgan shaxslar aniqlandi va ular qamaldi. Bu voqea jamoatchilik orasida katta g‘azab va norozilik uyg‘otgan edi. Toshkent viloyati Ichki ishlar bosh boshqarmasi matbuot kotibi Bobur To‘laganov bu haqda ma’lumot berdi.
Uning so‘zlariga ko‘ra, sud qaror qilingan holda 33 yoshli M.Sh.ga Ma’muriy javobgarlik to‘g‘risidagi kodeksning 111-moddasi (Hayvonlarga nisbatan shafqatsiz munosabat) asosida 15 sutka ma’muriy qamoq, shuningdek 30 yoshli A.A.ga Ma’muriy javobgarlik to‘g‘risidagi kodeksning 220-1-moddasi (Qurolning qonunga zid qo‘llanilishi) asosida 10 sutka ma’muriy qamoq jazosi belgilandi.
Ma’lumot uchun, ma’muriy jazo qo‘llanilgandan keyin ham bu kabi qo‘pol harakatlar takrorlansa, shaxslar jinoyiy javobgarlikka tortiladi. Bu voqea hayvonlarga nisbatan shafqatsizlikka nisbatan jamoatchilik orasidagi norozilikni yana bir bor kuchaytirdi.
“Zamin”ni Telegramʻda oʻqing!
