Bugun narkotik moddalar, ularni iste’mol qilishning og‘ir oqibatlari, buning natijasida kelib chiqadigan kasalliklar haqida ommaviy axborot vositalari orqali tinimsiz ma’lumotlar berib kelinmoqda. Ammo, dunyo miqyosida foyda keltirishda narkotik savdosi eng yuqori o‘rinlarda turishi ayrim “tadbirkorlar”ni oson yo‘l bilan mo‘may daromad topishga hamon undamoqda. Bu haqda Navoiy viloyati bojxona boshqarmasi axborot xizmatiga tayanib Kun.uz xabar bermoqda.
Bekobodlik Sharafiddin Urinboyev narkotik moddalar bilan bog‘liq jinoyatlarni sodir etganlik uchun ilgari oz emas, naqd to‘rt marotaba jinoiy javobgarlikka tortilgan. Amnistiya aktiga ko‘ra, jazo muddati qisqartirilgan, jazo yengilrog‘iga almashtirilgan. Ammo kechirimli xalqimizning ishonchini suiiste’mol qilib, hali jozoni ijro etish muassasasida bo‘lgan vaqtidayoq o‘ziga jinoiy sherik qidirib, “do‘stlar” orttirgan.
Ozodlikka chiqqach esa, eski ishini davom ettiradi. U quruq holdagi narkotik moddalarini qayta ishlab, ulardan kuchli narkotik moddalarni tayyorlaydi. “Mahsulot” uchun xom-ashyoni jazoni ijro etish muassasasida tanishgan do‘sti Haydar Ummatovdan oladi. Tayyor “mahsulotni” tilla buyumlar evaziga almashib, keyinchalik tillalarni sotish orqali daromad olmoqchi bo‘ladi. Shu zaylda “tadbirkorlar” ishni boshlab yuborishadi.
Narkotik moddalarning mamlakatimizga noqonuniy olib kirilishi, olib chiqilishi va aylanishini oldini olish va fosh etish maqsadida bojxona xodimlari tomonidan doimiy ravishda huquqni muhofaza qiluvchi boshqa organlar bilan xamkorlikda tadbirlar amalga oshirilayotganligi tufayli ularning jinoiy faoliyatiga o‘z vaqtida chek qo‘yildi.
Navoiy viloyati Karmana tumani hududida o‘tkazilgan giyohvand vositalari kontrabandasini oldini olishga qaratilgan tezkor tadbir davomida Sh.Urinboyev sariq rangli selofan paketga solingan giyohvand vositalarini sotayotgan vaqtda jinoyat ustida qo‘lga olindi. Navoiy viloyati Ichki ishlar boshqarmasi Ekspertiza-kriminologiya bo‘limining xulosasiga asosan B.Boltaevdan olingan narkotik modda “gashish” bo‘lib, og‘irligi 2 kg. 764 gr.ni tashkil etar ekan.
O‘tkazilgan tadbir yakuniga ko‘ra, jami 3,3 kg. “marixuana”, 2,7 kg. “gashish” giyohvandlik moddalari va 380 tup “kanoplya” o‘simligi qonunbuzarlardan ashyoviy dalil sifatida olib qo‘yildi.
O‘zbekiston Respublikasi Jinoyat kodeksining 273-moddasi 5-qismi bilan Sud tomonidan aybdorlar Sh.Urinboyevga 10 yilu 6 oy va X.Ummatovga 10 yil ozodlikdan mahrum qilish jazosi tayinlandi. Jazoni qattiq tartibli koloniyada o‘tashlari belgilandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Husiylar Isroil aviabazasiga gipertovushli raketa bilan zarba berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Har payshanba jismoniy tarbiya va sport kuni sifatida belgilanadi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
