Turkmanistonda an’anaga ko‘ra bu yil ham aprel oyining oxirgi yakshanbasida turkman Axaltekin otlari kuni nishonlanmoqda deb xabar qilmoqda Kun nashri.
Ko‘rik-tanlov Ashxobod shahridagi ot sporti majmuasida o‘tkaziladi. Bu erda bayramona yasantirilgan otlar namoyish etiladi. Yurish g‘oliblari va sovrindorlari qimmatli sovrinlar, xorijiy markadagi avtomobillar bilan taqdirlanadi.
An’anaga ko‘ra marosimda Turkmaniston prezidenti Gurbanguli Berdimuhammedov boshchiligidagi hukumat korpusi ham ishtirok etadi.
Aprel oyida “Turkman tulpori kuni” milliy bayrami o‘tkaziladi. G‘olib taniqli olimlar, chet ellik ekspertlar hamda ot bilan shug‘ullanuvchi mutaxassislardan iborat hay’at a’zolari tomonidan aniqlanadi.
Axaltekin zotli tulporlar go‘zallik tanlovi bilan birga rassomlar, haykaltaroshlar, zargarlar, fotosuratchilar, dizaynerlar va teleoperatorlar tomonidan yaratilgan, Axaltekin otlari aks etgan tasviriy san’at asarlari, suratlar, amaliy san’at namunalari hamda teleko‘rsatuvlar namoyishini o‘z ichiga olgan ijodiy asarlar tanlovi o‘tkaziladi. Bu bayram orqali xorijliklar e’tiborini yanada ko‘proq jalb etish ko‘zda tutilgan.
Zotdor otga Axaltekin nomining qo‘yilishida ikki so‘z asos bo‘lgan — Axal (Turkmanistondagi tarixiy viloyat) va teke (turkman qabilasi, Axal hududida yashovchilar).
Olimlar bu zotning qadimiyligi 5 ming yilni tashkil etishini aytishadi.
Turkmanistondagi Axaltekin otlarining soni 3 mingdan ortadi va bu otlar o‘zining zotdorligi, go‘zalligi, kelishgani bilan ajralib turadi.
Axaltekin otlari Turkmanistonda o‘ziga xos iftixor ramziga aylangan, davlat ramzining markazidan o‘rin olgan va qator xorijiy davlat rahbarlariga eng oliy hadya sifatida tortiq etilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Husiylar Isroil aviabazasiga gipertovushli raketa bilan zarba berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Har payshanba jismoniy tarbiya va sport kuni sifatida belgilanadi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
