Toshkentda Spark'ni o‘g‘irlagan shaxs Portugaliya o‘yiniga pul tikmoqchi bo‘lgan

Toshkent shahrining Yunusobod tumanida AYOQSH hududidan Spark avtomobilini olib qochgan shaxs ushlandi.

Ma’lum qilinishicha, gumonlanuvchi mashinani qismlarga ajratib sotishni rejalashtirgan. U tushgan pulni bukmekerlik idorasida Portugaliya terma jamoasining g‘alabasiga tikmoqchi bo‘lgan.

Uning aytishicha, Portugaliya o‘yinidan keladigan yutuq orqali mavjud qarzlarini yopishni o‘ylagan.

Huquq-tartibot idoralari xodimlari o‘g‘irlangan avtomobilni Bektemir tumani hududidan topgan. Mashina egasiga qaytarilgan.

Hozirda gumonlanuvchiga nisbatan tergov harakatlari olib borilmoqda.