Toshkentda uchta fohishaxona fosh etildi

Joriy yilning 10 may kuni Toshkent shahar IIBB “102” xizmatiga fuqarolardan jami 625 ta xabar kelib tushgan bo‘lib, ulardan 27 tasi jinoyat to‘g‘risidagi xabarlardir, deb yozadi Hilol.uz.

Shundan og‘ir va o‘ta og‘ir jinoyatlar turkumiga kiruvchi:

- Yashnobod tumanida 1 ta qotillik,

- Shayxontohur tumanida 1 ta og‘ir tan jaroxati etkazish,

- Yunusobod tumanida 1 ta bosqinchilik jinoyatlari sodir bo‘lgan.

Toshkent shahar ichki ishlar idoralari tomonidan olib borilgan tezkor chora-tadbirlar natijasida:

- 3 ta fohishaxona saqlash jinoyatlari hamda 3 ta giyohvandlik bilan bog‘liq jinoyatlarni sodir etgan shaxslar aniqlanib ushlandi;

- 7 ta avval sodir etilib fosh etilmay qolgan jinoyatlar tezkor tadbirlar orqali fosh etildi;

- 5 ta qidiruvdagi shaxslar qo‘lga olindi;

10 may kuni IIBB “102” xizmatiga jami 5 nafar shaxslarning bedarak yo‘qolganligi to‘g‘risida tezkor ma’lumot kelib tushgan bo‘lib, qidiruv ishlari jarayonida ularning 3 nafari topildi, qolgan 2 nafar shaxslarni qidirish ishlari davom etmoqda. “Zamin” yangiliklarini “Telegram”da kuzatib boring