2018 yildan boshlab O‘zbekiston fuqarolari uchun kichik haj ziyorati (umra) kvotasi yiliga 6 mingdan 10 mingga oshiriladi. Joriy yil 7 iyun kuni Vazirlar Mahkamasining shu haqdagi qarori qabul qilindi.
Hujjatda qayd etilishicha, mazkur qaror fuqarolarning «Umra» safariga borishlari uchun yanada keng imkoniyatlar yaratish maqsadida qabul qilindi.
Hujjatda haj va umra safarini tashkil etishda qator yangilik va imtiyozlar ko‘zda tutilgan. Jumladan, «O‘zbekiston havo yo‘llari» Milliy aviakompaniyasiga ziyoratchilar uchun aviachiptalar narxini kamaytirish vazifasi topshirildi. Ziyoratga borish uchun navbatda turgan ziyoratchilarning doimiy yashash joyi o‘zgargan taqdirda, ularning avvalgi manzili bo‘yicha navbati saqlanib qolishi belgilandi.
Din ishlari bo‘yicha qo‘mita hamda O‘zbekiston musulmonlari idorasiga joylardagi hukumat organlari bilan birgalikda haj va umra safarlariga boradigan fuqarolar ro‘yxatining xolisona va ijtimoiy adolat mezonlari asosida shakllantirilishi hamda muqaddas ziyoratlarni tashkil qilishda belgilangan tartibga qat’iy rioya etilishini ta’minlash topshirildi.
Ikki oy muddatda Musulmonlar idorasi saytida haj va umra safariga boradigan ziyoratchilarning yagona onlayn navbat tizimi shakllantiriladi.
Toshkent, Nukus va O‘zbekistonning barcha viloyatlari markazlarida fuqarolarni tibbiy ko‘rikdan o‘tkazishning barcha bosqichlari markazlashtirilgan holda bitta tibbiyot muassasasida bepul amalga oshiriladi.
2017 yilda O‘zbekistondan Saudiya Arabistoniga ziyoratchilar uchun ajratiluvchi umumiy kvota miqdori 2016 yil bilan solishtirilganda 20 foizga oshirilib, 13,2 ming nafarga etkazilgan edi. Jumladan, haj ziyorati uchun kvota 1,4 barobarga oshirilib, 7200 nafarni tashkil etgan bo‘lsa, umra uchun bu miqdor 6000 darajasida (5350 kishi bahorgi, 650 kishi yozgi mavsumda) saqlab qolingan edi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Internet-qaroqchilik. Buning uchun qanday javobgarlik bor?
Daniyada endi ayollar ham majburiy harbiy xizmatni o‘taydi
Iordan daryosi G‘arbiy sohilida falastinlik talabalar nemis diplomatini tadbirdan quvib chiqardi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Donald Tramp sudga hurmatsizlik qilgani uchun jarimaga tortildi
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi