Prezident virtual qabulxonasi: murojaatchilarning 50%dan ortig‘i — ishsiz fuqarolar

Prezident virtual qabulxonasiga o‘z taklif, arz hamda shikoyatlarini yo‘llagan murojaatchilarning maqomi, yoshi va jinsi bo‘yicha statistik ma’lumotlar e’lon qilindi, deb yozmoqda Uz24 sayti.

Unga ko‘ra, o‘tgan 10 oy mobaynida yuborilgan murojaatlarning eng katta qismi — 52 foizi ishlamaydigan fuqarolar hissasiga to‘g‘ri keladi. Shikoyat va takliflarning eng kam qismi — 2 foizi talabalar tomonidan kelib tushgan.

Davlat rahbarining virtual qabulxonasiga asosan, 26-35 va 36-45 yoshlardagi fuqarolar tomonidan murojaatlar yo‘llangan.

Pm.gov.uz ma’lumotlariga ko‘ra, murojaatchilar orasida ishsiz va nafaqaxo‘r ayollar hamda talaba(erkak)lar ko‘pchilikni tashkil qiladi.


Eslatib o‘tamiz, Prezident virtual qabulxonasiga 21 iyul holatiga 1 millionta murojaat kelib tushgan. “Zamin”ni Telegramʻda oʻqing!