Green Card lotereyasi orqali firibgarlik qilgan narpaylik shaxs ushlandi

AQShda yashash huquqini beruvchi Green Card lotereyasi orqali firibgarlik qilgan narpaylik Oybek Naxangov aniqlandi. U Samarqand va qo‘shni viloyatlar talabalarini "Amerika orzusi" targ‘iboti bilan aldab, ulardan pul undirib yurgan. Bu haqda “O‘zbekiston24” telekanalining sayti xabar berdi.

Shunday aldanganlardan biri jizzaxlik U.Sh. bo‘lib, u avvaliga 200 dollar, keyinchalik esa 15 million so‘m bergan. Tintuv natijasida O.Naxangov yonidan 550 dona shartnoma va 46 xil pasport hamda fotosuratlar nusxalari topilgan.