O‘zbekiston Milliy xavfsizlik xizmati davlat organlari xodimlari tomonidan o‘z lavozim vakolatlarini suiiste’mol qilish holatlarini aniqlash va ularga barham berish bo‘yicha ishlarni davom ettirmoqda.
Ushbu ish doirasida tezkor xodimlar «Sirdaryoko‘miretkazuvchi» unitar korxonasining Boyovut tuman bazasi mudiri 40 yoshli Doniyor Sayfutdinov Sirdaryo viloyatiga olib kelinuvchi va bolalar bog‘chalari, maktablar, o‘rta maxsus ta’lim muassasalari hamda shiforxonalar uchun kuzgi-qishki mavsumga mo‘ljallangan ko‘mirni doimiy ravishda o‘g‘irlash bilan shug‘ullanib kelgani haqida ma’lumotni olishdi.
«Sayfutdinov taxminan 65 tonna keluvchi bir vagon ko‘mirni Boyovut tumanida istiqomat qiluvchi shaxsga 16 million so‘mga sotmoqchi bo‘lgan. U pullarni ko‘mir bazadan xaridorning yashash joyiga yetkazib berilganidan so‘ng olishi kerak edi», - deya ta’kidlab o‘tdi MXX vakili.
MXXning Sirdaryo viloyati bo‘yicha xodimlari baza direktorining noqonuniy faoliyatiga barham berish maqsadida maxsus amaliyot o‘tkazishdi, uning davomida Doniyor Sayfutdinov 13 million so‘mni olayotgan paytda ashyoviy dalil bilan qo‘lga olindi. U o‘z aybini to‘liq tan olgan.
Ayni damda Bosh prokuratura huzuridagi Departamentning viloyat boshqarmasi Sayfutdinovga nisbatan O‘zbekiston JKning 167- (O‘zlashtirish yoki talon-toroj qilish yo‘li bilan o‘g‘irlash) va 205-moddasi (Lavozim vakolatlarini suiiste’mol qilish) bo‘yicha jinoyat ishini qo‘zg‘atish masalasini ko‘rib chiqmoqda.
Manba: Kun.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
APL. “Liverpul” 6 ta gol urilgan o‘yinda “Tottenhem”ni mag‘lub etdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi