O‘zbekiston xalqaro suveren reytingi olish borasida faol ish olib bormoqda, deb xabar bermoqda Kun npashri. Bunda Citibank (City Group) maslahatchi vazifasini bajarishi mumkin. Xalqaro Press-klubning 27 sentyabrdagi majlisida ishtirok etgan Bosh vazir o‘rinbosari Jamshid Qo‘chqorovning fikricha, bu masalani banklar konsorsiumi yordamida hal etish mumkin bo‘ladi.
“Biz suveren reyting olishning ilk bosqichida turibmiz. Citibank maslahatchimiz bo‘ladi. Bu banklar konsorsiumi bo‘ladi. Suveren mustaqil kredit reytingini olish uchun arizani rasmiylashtirish dasturi Prezident tomonidan yaqin orada tasdiqlanadi”, — dedi Qo‘chqorov.
Uning aytishicha, mamlakat hukumati suveren reytingni xorijdan sarmoya jalb qilish vositalaridan biri sifatida baholamoqda.
O‘zbekistonning yirik banklari va kompaniyalari ushbu reyting olinganidan so‘ng, shu kabi reytingni olishlari va bozorda mablag‘larni jalb qilishlari mumkin bo‘ladi. Respublikaning suveren kredit reytingini olishi to‘g‘ridan-to‘g‘ri xorijiy sarmoyalar kengayishiga, xorijiy hamkorlar bilan hamkorlikni kuchaytirish hamda banklar va korxonalarga jahon moliya bozorlarida past foiz stavkalarida kreditlar jalb qilishiga yordam beradi.
Xalqaro Press-klubda ma’lum qilinishicha, Prezident Shavkat Mirziyoyevning AQShga safari va Jahon banki rahbariyati bilan uchrashuvidan keyin Jahon banki O‘zbekistonga ajratadigan kreditlar papkasini 2 barobarga oshirib, 2 mlrd dollardan 4 mlrd dollarga yetkazish masalasini muhokama etmoqda.
Manba: hordiq.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Pnevmatik qurollarni o‘z ixtiyori bilan topshirganlar javobgarlikdan ozod etiladi
“Umra” ziyoratiga borib kelish tartibi takomillashtiriladi
D vitamini dozasini oshirib yuborishning xavfli oqibatlari
Shimoliy Koreya yangi ko‘rsatkichlarga ega ballistik raketani sinovdan o‘tkazdi
“Roma” Shomurodov uchun yana 8 million yevro xarajat qiladi!
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
