B.M. joriy yilning mart oyi o‘rtalarida Chilonzor tumanida joylashgan “Olmazor” metro bekati yonidagi umumiy ovqatlanish shoxobchasida fuqaro N.X. bilan uchrashadi. Navbatdagi firibgarlikni rejalashtirgan «uddaburon» N.X.ni mansabdor tanishlariga ma’lum miqdorda "haq berish" evaziga ichki ishlar tizimiga ishga joylashtirib qo‘yishga va’da qiladi va aldov yo‘li bilan N.X.ning 500 AQSh dollari va 200 ming so‘mini qo‘lga kiritadi, deb yozmoqda Kun.uz.
Shu yilning aprel oyi o‘rtalarida esa firibgar xuddi shu umumiy ovqatlanish shoxobchasida fuqaro U.R. bilan uchrashadi. Unga ham ichki ishlar tizimiga ishga joylashtirib qo‘yishni va’da qilib, aldov yo‘li bilan U.R.ning 1 ming AQSh dollari va 300 ming so‘mini oladi.
Oradan vaqt o‘tadi. Na va’dadan, na ishdan darak bo‘ladi. Aldovlardan toqati toq bo‘lgan jabrlanuvchi N.X. voqea yuzasidan ichki ishlar idoralariga xabar beradi.
Jinoyat ishlari bo‘yicha Toshkent shahar Chilonzor tuman sudining ochiq sayyor sud majlisida mazkur jinoiy ish ko‘rib chiqildi.
Sudlanuvchi muqaddam ichki ishlar idoralari tizimida ishlagan, hozir nafaqaga chiqqan shaxs bo‘lib chiqdi. B.M. muqaddam o‘zganing mulkini firibgarlik yo‘li bilan qo‘lga kiritish jinoyatini sodir etganligi uchun sudlangan bo‘lsa-da, bundan o‘ziga tegishli xulosa chiqarmasdan, yana qasddan firibgarlik jinoyatini sodir qilish yo‘liga o‘tgan.
Sudlanuvchi B.M.ga O‘zbekiston Respublikasi Jinoyat kodeksining tegishli moddalariga asosan uzil-kesil 5 yilu 7 oyga ozodlikdan mahrum qilish jazosi tayinlandi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Ukrainaning harbiy dron yig‘uv inshootlarini yo‘q qildi
Rossiya qo‘shinlari Avdeyevkadagi ikkita qishloqni egallab oldi
Erdo‘g‘on terrorchilar haqida keskin gapirdi
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Moskvadagi terakt bo‘yicha yana uch kishi ushlandi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
AQSH rasmiylari: Millionlab amerikaliklar xitoylik hakerlar hujumiga uchragan