Avval xabar berganimizdek, bugun, 31 yanvar kuni O‘zbekiston Prezidenti Shavkat Mirziyoyev raisligida Milliy xavfsizlik xizmati va prokuratura organlari xodimlari ishtirokida yig‘ilish bo‘lib o‘tdi. Ushbu yig‘ilishda tashkiliy masala ko‘rildi.
Milliy xavfsizlik xizmati raisi Rustam Inoyatov o‘z vazifasidan ozod etilib, uning o‘rniga O‘zbekiston Respublikasi Bosh prokurori lavozimida ishlab kelayotgan Ixtiyor Abdullayev tayinlandi. Prezident davlat maslahatchisi Otabek Murodov esa O‘zbekiston Respublikasi Bosh prokurori lavozimiga tayinlandi.
Bosh prokuraturaning rasmiy saytida bir oz muddat avval paydo bo‘lgan xabarga ko‘ra, Otabek Bahriddinovich Murodov O‘zbekiston Prezidentining 2018 yil 31 yanvardagi PF-5320-sonli farmoniga asosan O‘zbekiston Respublikasi Bosh prokurori etib tayinlandi.
Matbuotga O‘zbekistonning yangi Bosh prokurori haqida nimalar ma’lum? Avvalo, shuni aytib o‘tish kerakki, yangi Bosh prokuror haqida ma’lumotlar u qadar ko‘p emas.
Manbalarimizning ma’lum qilishicha, Otabek Murodov 1975 yili Qashqadaryo viloyatida tug‘ilgan. Toshkent davlat yuridik institutini tamomlagan.
Ochiq manbalardagi ma’lumotlarga ko‘ra, u O‘zbekiston Respublikasi Bosh prokuraturasining jinoyatlarni tergov qilish boshqarmasi alohida muhim ishlar bo‘yicha tergovchisi, Adliya vazirining o‘rinbosari bo‘lib ishlagan.
2017 yilning 1 martida O‘zbekiston Prezidentining 4976-sonli farmoniga muvofiq, u O‘zbekiston Respublikasi Prezidentining siyosiy-huquqiy masalalar bo‘yicha Davlat maslahatchisi etib tayinlangan edi.
Bosh prokuraturaning rasmiy saytida ma’lum qilinishicha, Otabek Murodov 3-darajali davlat adliya maslahatchisi hisoblanadi.
U 2002 yili Prezident farmoniga ko‘ra «Jasorat» medali bilan taqdirlangan.
Otabek Murodov mustaqil O‘zbekiston tarixida beshinchi Bosh prokuror bo‘ldi. Bungacha ushbu lavozimda Bo‘ritosh Mustafoyev, Usmon Xudoyqulov, Rashid Qodirov, Ixtiyor Abdullayev faoliyat ko‘rsatgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Kreml Ukraina bo‘yicha muzokarada shartlar qo‘yishga urinmoqda
Blinken Isroildan uchta muammoni hal etishni talab qildi
Apple dongdor ikki ayfonini rasman eskirgan deb e’lon qildi
