Toshkent viloyatidagi uylardan biridan noqonuniy ravishda qafasda ushlab turilgan Afrika sheri aniqlandi.
“Tutzor” manzilgohida joylashgan uyda saqlangan sher bolasi 8 oylik bo‘lgan. Jonivor xususiy korxonalardan biriga tegishli ekani aytilgan, ammo sherni olib kelish va saqlash huquqini beruvchi hujjat taqdim etilmagan.
“O‘zbekiston 24” telekanali orqali efirga uzatilgan reportajda Ekologiya va atrof-muhitni himoya qilish davlat qo‘mitasi hududiy inspeksiyasi vakilining aytishicha, jonivor och holatda o‘ziga mos bo‘lmagan sharoitda ushlab turilgan. Uning tumshug‘i singan. Yarim metrlik qafasda saqlangan, shu sabab ham yovvoyi hayvon harakatlana olmagan.
Ayni paytda Afrika sheri Toshkent hayvonot bog‘iga keltirilgan. Bu yerda unga g‘amxo‘rlik ko‘rsatilmoqda. Shuningdek, tergov harakatlari ham boshlangan.
Aytish kerakki, O‘zbekistonda yovvoyi hayvonlarni uyda saqlash taqiqlangan, ularni olib kelish yoki olib chiqish Ekologiya va atrof-muhitni himoya qilish davlat qo‘mitasining ruxsati bilan amalga oshirilishi mumkin.
Jonivorlar kontrabandasi uchun 5 yilgacha ozodlikdan mahrum etish jazosi tayinlanishi mumkin. Jonivorlarga qo‘pol munosabatda bo‘lish, ularni qiynaganligi uchun esa eng kam ish haqining ikki barobari miqdorida jarima belgilanadi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Uchar avtomobil yo‘lovchi bilan birinchi parvozini amalga oshirdi (video)
Ispaniya va Gretsiya Kiyevga Patriot tizimlarini yetkazib berishdan bosh tortdi
Lukashenko G‘arbga tahdid bilan chiqdi
Zoir Mirzayev “Telefonsiz maktab”ga 300 mln so‘m mukofot berdi