“Men mehnat daftarchasiga 4 yillik talabalik davri ham kiritiladi deb eshitgandim, hozirda ishlayman, shuning uchun mehnat daftarchasini ishxonamdan olamanmi yoki o‘qish joyimdanmi?”
Mazkur savolga Yunusobod tumani Aholi bandligiga ko‘maklashish markazi yuriskonsulti Nodira Tosheva javob berdi:
— Mehnat kodeksining 81-moddasi ikkinchi qismiga muvofiq, mehnat daftarchasi xodimning mehnat stajini tasdiqlovchi asosiy hujjatdir. Ish beruvchi korxonada besh kundan ortiq ishlagan barcha xodimlarga mehnat daftarchasini tutishi shart, o‘rindoshlik asosida ishlovchilar bundan mustasno.
Ish beruvchi mehnat daftarchasiga ishga qabul qilish, boshqa doimiy ishga o‘tkazish va mehnat shartnomasini bekor qilish to‘g‘risidagi ma’lumotlarni yozishi shart. Xodimning iltimosiga ko‘ra ,mehnat daftarchasiga o‘rindoshlik asosida ishlagan va vaqtincha boshqa ishga o‘tkazilgan davrlar haqidagi yozuvlar kiritiladi. Mehnat shartnomasini bekor qilish asoslari (sabablari) mehnat daftarchasiga yozilmaydi.
Shuningdek, “Mehnat daftarchalarini yuritish tartibi to‘g‘risida”gi 402-sonli yo‘riqnomaning 2-qismi 2-bandiga muvofiq, o‘rta, o‘rta maxsus va oliy ma’lumot to‘g‘risidagi yozuvlar faqat tegishli hujjatlar (attestat, guvohnoma, diplom)ga asosan yoziladi.
Yuqoridagilardan kelib chiqib, Sizga mehnat daftarchasi hozirgi kunda ishlayotgan korxona, muassasa yoki tashkilotiningiz tomonidan yuritiladi hamda oliy ta’lim muassasasini tamomlaganingizdan so‘ng diplomingizga asosan 4 yillik talabalik davringiz to‘g‘risidagi ma’lumot ham kiritiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin