2019 yil 1 yanvaridan o‘zbekistonliklar chet mamlakatlarga chiqishlari uchun xorijiy pasport olishlari talab etiladi. Xo‘sh, bu vaqtga kelib, xorijiy pasport olmagan fuqaro chet elga chiqmoqchi bo‘lsa qanday yo‘l tutadi?
IIV Migratsiya va fuqarolikni rasmiylashtirish bosh boshqarmasi boshlig‘i, polkovnik Badriddin Shorisqiyev 2019 yil 1 yanvar kuni xorijga chiqmoqchi bo‘lgan o‘zbekistonliklar hozirgi biometrik pasportlarida muddati o‘tmagan stikerlari bo‘lsa, xorijga chiqishlari mumkinligini bildirdi.
“Basharti 2019 yil 1-2 yanvarda xorijga chiqmoqchi bo‘lgan o‘zbekistonlikda yangi xorijga chiqish pasporti bo‘lmasa, u hozirgi biometrik pasport bilan, muddati o‘tmagan stikeri bo‘lsa, O‘zbekistondan chiqa oladi. Chunki, hozirgi biometrik pasportimiz ham xalqaro andozalarga to‘la javob beradi”, - Badriddin Shorisqiyev.
KUN.UZ muxbirining “uyushmagan yoshlar” iborasining huquqiy izohi bormi, degan savoliga IIV Huquqbuzarliklar profilaktikasi bosh boshqarma boshlig‘i o‘rinbosari, podpolkovnik Dilshod Akramov javob berdi.
“Haqiqatdan ham ayni vaqtda “uyushmagan yoshlar” iborasining huquqiy izohi berilmagan. Bugungi kunda “uyushmagan yoshlar” masalasiga oydinlik kiritish uchun Migratsiya va fuqarolikni rasmiylashtirish bosh boshqarmasi, Huquqbuzarliklar profilaktikasi bosh boshqarmasi, Yoshlar Ittifoqi bilan hamkorlikda maxsus elektron dastur tayyorlanmoqda.
Shundan so‘ng, har bir yosh fuqaroning elektron ro‘yxati shakllantiriladi. Ular ijtimoiy hayotning qaysi sohasida bandligi, tahsil olayaptimi, ishlayaptimi, belgilab boriladi. Mana shunday tahlildan keyin yoshlarning nima bilan bandligi borasida umumiy tasavvur paydo bo‘ladi. Ayni vaqtda esa, “uyushmagan yoshlar”ni kimlar tashkil qilishi mavzusi kun tartibidan olingani yo‘q. Elektron dastur ishga tushirilishi bilan shu iboraga aniqlik kiritish choralarini ko‘ramiz”, - dedi Dilshod Akramov. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda avtomashinasiga sirena o‘rnatib harakatlangan haydovchiga chora ko‘rildi
Samarqandda YPX xodimi haydovchidan pora so‘radi: “Uch kishiga tushlik olib keling”
Yangihayot tumani sudyasi pora bilan qo‘lga tushgani rad etildi
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
Xalqaro sud: Germaniya Isroilga harbiy yordamni to‘xtatishga majbur emas
Rossiyalik Vinnik AQSHda pul yuvish bo‘yicha aybini tan oldi
Tbilisidagi namoyishlar: politsiya qalampir gazidan foydalandi
