Toshkent shahar hokimligiga birinchi xorijlik xodim ishga olindi. Bu haqda, hokimning investitsiyalar, innovatsiyalar va turizmni rivojlantirish masalalari bo‘yicha o‘rinbosari Alisher Tillayevga asoslanib, “Gazeta.uz” xabar bermoqda.
Janubiy koreyalik mutaxassis, Seul meriyasi departamenti vakili Kim Yu Shik shahar hokimining poytaxt ma’muriyati faoliyati tizimida axborot-kommunikatsiya texnologiyalarining joriy etilishi ishlariga mas’ul maslahatchisi bo‘ldi.
IT sohasida 20 yillik ish tajribasiga ega Kim Yu Shik Janubiy Koreya poytaxtida sohani rivojlantirish bilan shug‘ullangan va Seuldagi barcha jamoat joylarining bepul Wi-Fi nuqtalari bilan ta’minlanishi bo‘yicha loyihada ishtirok etgan.
Toshkent shahar hokimi uchun mutaxassis ajratilishi to‘g‘risidagi kelishuvga O‘zbekiston prezidenti Shavkat Mirziyoyevning Koreya Respublikasiga noyabr oyida qilgan davlat tashrifi doirasida erishilgan edi.
Janubiy koreyalik mutaxassis bilan bir yillik shartnoma tuzilgan. Hokim maslahatchisiga maoshni Seul meriyasi to‘laydi, Toshkent hokimligi esa uning yashashi va qatnovi uchun ketgan xarajatlarini qoplaydi.
“Maslahatchining asosiy vazifalari — Toshkentda ham Seuldagidek shahar boshqaruvi bo‘yicha situatsion markaz yaratilishidan iborat. Yagona markaz orqali shaharda kommunal soha, shaharsozlik, yong‘in xavfsizligi, tezkor choralar ko‘rish tizimlaridagi barcha vaziyatlarni onlayn rejimda kuzatish mumkin. Unga ko‘chalardagi barcha kuzatuv kameralari ham ulanadi. Buni Smart City unsurlaridan biri deya hisoblash ham mumkin, ammo bu mutlaqo alohida loyiha”, — ta’kidladi Alisher Tillayev.
Kim Yu Shik hokimlikka shahar kadastr xizmatiga veb-joylashuv tizimini joriy etishga ham yordam beradi. Bu kelishuv Janubiy Koreyaning GEO2 kompaniyasi bilan amalga oshirilgan. Ayni vaqtda hokimlik, GEO2 va Axborot texnologiyalari va kommunikatsiyalarni rivjjlantirish vazirligi qoshidagi “Unicon.uz” markazi ishtirokida uch tomonlama qo‘shma korxona tuzilgan.
Yangi tizim notarial xizmatlar faoliyatidagi qog‘ozbozliklarni bartaraf etishga xizmat qiladi.
“Tizimni joriy etishning mazmuni shundaki, har bir fuqaro o‘z xonadonida mobil telefoni yoki kompyuter orqali barcha kadastr hujjatlaridan foydalanish va soliq to‘lash imkoniga ega bo‘ladi. Notarial xizmatlar ham o‘z xizmatlarini taqdim etishda elektron bazadan foydalana oladi”, — dedi hokim o‘rinbosari.
Alisher Tillayev bu tijoriy loyiha ekanini ta’kidlab o‘tdi. Uning qiymati qariyb 3 million dollarni tashkil etadi. Davlat bojidan tashqari, xizmatlar uchun komission to‘lov ham belgilab olinadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Shimoliy Koreya yangi ko‘rsatkichlarga ega ballistik raketani sinovdan o‘tkazdi
Pnevmatik qurollarni o‘z ixtiyori bilan topshirganlar javobgarlikdan ozod etiladi
O‘zbekiston sobiq bosh prokurorining qidiruvdagi o‘g‘li Dubayda 7,9 mln dollarlik ko‘chmas mulkka egalik qiladi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Messining salkam 1 million dollarga sotilgan salfetkasi haqida
Ukraina prezidenti mahbuslarni safarbar qilish to‘g‘risidagi qonunni imzoladi
