Oliy Majlis Qonunchilik palatasi qo‘mitalarida bir qator muhim qonun loyihalari quyi palata majlisida ikkinchi hamda uchinchi o‘qishda ko‘rib chiqish uchun tayyorlanmoqda, deb xabar berdi “Xalq so‘zi”.
Xususan, Qonunchilik va sud-huquq masalalari qo‘mitasi tomonidan shaxsni jinoiy javobgarlikka tortish muddatlarini qisqartirishni nazarda tutuvchi qonun loyihasi mutaxassislar, ekspertlar hamda jamoatchilik vakillari ishtirokida tashkil etilayotgan ishchi guruhi yig‘ilishlarida ikkinchi o‘qishga tayyorlanyapti.
Taklif etilayotgan loyihaga muvofiq, ijtimoiy xavfi katta bo‘lmagan jinoyat sodir qilingan kundan boshlab — 2 yil, uncha og‘ir bo‘lmagan jinoyat sodir etilgan kundan boshlab — 4 yil, og‘ir jinoyat sodir qilingan kundan boshlab — 8 yil, o‘ta og‘ir jinoyat sodir etilgan kundan boshlab (ushbu moddaning yettinchi qismida nazarda tutilgan hol bundan mustasno) — 14 yil o‘tib ketgan bo‘lsa, shaxs javobgarlikdan ozod qilinishi belgilanmoqda.
Yana bir muhim jihati, Jinoyat kodeksining 64-moddasi 5-qismiga ko‘ra, agar jinoyat sodir etilgan kundan boshlab 25 yil o‘tgan bo‘lsa, shaxs javobgarlikka tortilishi mumkin emasligi ko‘rsatilgan. Ya’ni ijtimoiy xavfi katta bo‘lmagan va uncha og‘ir bo‘lmagan jinoyat sodir qilib, qidiruvda bo‘lgan shaxslar og‘ir hamda o‘ta og‘ir jinoyat sodir etib, tergov va suddan yashiringan shaxslar bilan teng ravishda jinoiy ta’qib qilinadi. Loyiha bilan mazkur qism o‘zgartirilib, ijtimoiy xavfi katta bo‘lmagan yoki uncha og‘ir bo‘lmagan jinoyat sodir etilgan kundan boshlab 10 yil, og‘ir va o‘ta og‘ir jinoyat sodir qilingan kundan boshlab 25 yil o‘tgan bo‘lsa, shaxsni jinoiy javobgarlikka tortish mumkin emasligi nazarda tutilyapti. Qonun loyihasi muhokamalari davom etmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Shi Te Yong: "Bizda hali olimpiadaga chiqish imkoniyati bor"
AQSHda MXA sobiq xodimi Rossiya foydasiga josuslik qilgani uchun 21 yilga qamaldi
Ilon Mask Ukraina va AQSH o‘rtasidagi uzoq muddatli yordam bo‘yicha muzokaralarni “aqldan ozish” deb atadi
Botir Qodirov va Jo‘rayevlarga oid sud ishi yopiq tarzda ko‘rib chiqiladigan bo‘ldi
Xodimlarning mehnat qonunchiligiga rioya etilishi nazoratga olingan
Abduqodir Husanov va Hojimat Erkinov klubi ixtiyoriga qaytdi