Mayning ikkinchi yarmida O‘zbekiston viloyatlarida kuchli yog‘ingarchiliklar ortidan sel kelishi kuzatilmoqda.
O‘tgan haftada Samarqand va Navoiydagi sellar oqibatida qishloq xo‘jaligida jiddiy zararlar kuzatilgan bo‘lsa, Surxondaryoda kuchli yomg‘irdan so‘ng 116ta uy suv ostida qoldi va 750dan ortiq kishi evakuatsiya qilindi. Qashqadaryo viloyati Chiroqchi tumani, «Mirzato‘q» mahalla fuqarolar yig‘ini, Sariqamish qishlog‘ida sel oqimi besh kishining o‘limiga sabab bo‘ldi.
So‘nggi kunlarda esa O‘zbekistonning sharqiy viloyatlarida ham kuchli yomg‘irlar selga aylanmoqda. Namangan viloyatining Kosonsoy tumanida 543ta hovli suv ostida qoldi.
Kun.uz nashri Farg‘ona viloyati, So‘x tumanida kuzatilayotgan sel tasvirlarini saytga joyladi. Videoda kuchli suv oqimi aholi turar joylariga bostirib kirgani, ko‘chalarda mashinalar loyga botib qolganini kuzatish mumkin.
So‘x tumanidagi “G‘aznob” mahallasida seldan paydo bo‘lgan kuchli suv oqimi oqibatida uylar, ko‘chalar zarar ko‘rdi. Mahallaning qabristonini oqim yuvib ketganligi tasvirlangan videolavhalar tarqaldi.
Tabiiy ofatdan jami 243 xonadon qisman zarar ko‘rgan.
Farg‘ona viloyat ma’naviyat boshqarmasi, viloyat kasaba uyushmasi tomonidan aholiga eng kerakli anjomlar keltirilib, 15 xonadonga oziq-ovqat mahsulotlari tarqatildi. Sel oqibatlarini bartaraf etish uchun 27ta MFYdan 600 nafar hasharchi yetib kelishdi.
FVV O‘zbekistonning qator viloyatlarida 22 maygacha sel kelish xavfi mavjudligidan ogohlantirgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi