Samarqand viloyatida koʻpkari musobaqasi gʻolibi Lacetti avtomobilini qoʻlga kiritdi (foto)

^{Foto: OʻzA}
Samarqandning Jomboy tumanida koʻpkari boʻyicha jahon chempionati musobaqalari oʻtkazildi, deb yozadi OʻzA. Oʻzbekiston va Qozogʻiston chavandozlari oʻrtasidagi musobaqada 3:2 hisobida mahalliy polvonlar gʻolib boʻldi.

Samarqanddagi xalqaro uloq koʻpkari musobaqasida jizzaxlik polvon Orif Shodiyorov bosh sovrin — Chevrolet Lacetti avtomobilini qoʻlga kiritdi.

^{Foto: OʻzA}
Polvon ushbu yutuqqa payariqlik Elyor Boymatovning “Pantera” laqabli qorabayir otida sazovor boʻldi.

^{Foto: OʻzA}
Musobaqada chavandozlar 50 dan ortiq tuya va toy, shuningdek, gilam, televizor, muzlatgich kabi qimmatbaho buyumlar va pul mukofotlari uchun bellashdi. Bosh sovrin viloyat hokimligi tomonidan taqdim etildi.