Oliy Majlis Senatining oʻn beshinchi yalpi majlisida senatorlar toʻylar boʻyicha bir qarorga kelgandi. Unga koʻra, toʻy-hasham va boshqa oilaviy tadbirlarni ixcham oʻtkazishni yoʻlga qoʻyishga muayyan meʼyoriy hujjat bilan emas, odamlar oʻrtasida keng koʻlamli targʻibot-tashviqot, shaxsiy ibrat, namunali tadbirlar misolida erishish har jihatdan foydali ekani qayd etilgandi.
Ushbu qaror eʼlon qilinganiga koʻp boʻlmasdan, ijtimoiy tarmoqlarda Samarqanddagi toʻylardan birida pul sochgan yigit mashhur boʻldi.
Pul sochish lavhalarida yaqqol koʻzga tashlangan sanʼatkor Ogʻabek Sobirov yana bir bor toʻy dabdabasi “qahramoni”ga aylandi. Gap shundaki, uning oʻzi Instagram ijtimoiy tarmogʻiga joylagan videoda oʻtirib kuy-qoʻshiq ijro etayotgani, boʻynida xorijiy valyutadan yasalgan “pulchambar” ilib qoʻyilgani aks etgan.
Video: Mover (tas-ix)
Video: Youtube
Xonandaning yozishicha, muxlisining katta orzusi mana shu yoʻsinda roʻyobga chiqdi.
Darvoqe, Sobirov videoni tarmoqdan olib tashlashga ulgurdi, ammo jamiyatning toʻy-hashamga nisbatan munosabati haligacha oʻzgarmagani kichik lavha orqali ham yaqqol namoyon boʻldi.
Kimnidir “aybdor”ga chiqarib, tanbeh berishdan yiroqmiz. Ming qilsa ham erkin fuqarolik jamiyatini qurib, oʻzbekcha demokratiya modelini ilgari suryapmiz. Shunga qaramay, maqsadsiz, dabdabaga berilgan kishilar bilan jamiyat koʻzlagan uzoqdagi marraga yetib borishi ham qiyin. Isrofgarchilikka qarsak chalgan xalq esa inʼom etilgan neʼmatlarning qadriga yetmaydi.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Gruziya poytaxtida namoyishchilar va politsiya o‘rtasida to‘qnashuv yuz berdi
Fon der Lyayen Putinning «ishonli odamlari» bilan hamkorlikni istisno etdi
U-23 Osiyo kubogi. Norchayev finalda gol ursa, to‘purar bo‘lishi mumkin
Devid Kemeron Markaziy Osiyoga safarida hashamatli samolyot ijaraga olgani uchun tanqid qilindi
Makron Yevropaga tahdid solayotgan uchta xavf haqida gapirdi