Samarqandda kuchli yog‘ingarchilik tufayli uy devori qulab tushdi

^{Foto: «Daryo»}
Samarqandda 23 aprel kuni kechqurundan buyon tinimsiz yomg‘ir yog‘moqda. Yog‘ingarchilik tufayli Samarqand shahrining Dahbet ko‘chasidagi uylardan birining devorining bir qismi qulab tushgan.
«Daryo» nashrining ma’lum qilishicha, ushbu uyda sex tashkil etilgan. Hodisa oqibatida hech kim jabrlanmagan.

Eslatib o‘tamiz, yomg‘ir tufayli Samarqand shahrining markaziy ko‘chalari suv bilan to‘lib toshdi, Payariqqa sel keldi, Ishtixondagi namunali uylar suv ostida qoldi.