2 517
Vazirlik bitiruvchilarning «So‘nggi qo‘ng‘iroq» tadbirlarini o‘tkazishini cheklamasligini ma’lum qildi
Foto: O‘zA
Xalq ta’limi vazirligi maktablarda «So‘nggi qo‘ng‘iroq» tadbirlarini o‘tkazish bo‘yicha qat’iy qoidalarni joriy etgani to‘g‘risidagi xabarlarga izoh berdi, deya ma’lum qiladi «Gazeta.uz».
Vazirlik 20 may kuni Telegram-kanalida «So‘nggi qo‘ng‘iroq» tadbirlarini o‘tkazish bo‘yicha tavsiyalarni e’lon qilgandi. Jumladan, tadbirni 1−11-sinf o‘quvchilari uchun 25 may kuni ertalab soat 8:00 da o‘tkazish va unda bitiruvchi o‘quvchilarning maktab formasidan tashqari, turli liboslarni kiyishi hamda lentalar taqib olishining oldini olish tavsiya etilgan.
Bundan tashqari, hujjatga ko‘ra, «So‘nggi qo‘ng‘iroq» tadbirlarini o‘tkazishda bitiruvchilar hamda ularning ota-onalaridan turli xil pul mablag‘lari yig‘ilishi qat’iyan taqiqlanadi. Umumiy o‘rta ta’lim muassasalari rahbarlari hamda o‘qituvchilarga bitiruvchilar tomonidan turli qimmatbaho sovg‘alar taqdim etish, qo‘shimcha turli tantanali tadbirlarni (xonadonlar, restoran yoki qahvaxonalar va hokazolarda banket yoki boshqa marosimlar) o‘tkazish va yengil avtomashinalarda sayr tashkil etishga yo‘l qo‘yilmasligi ko‘rsatib o‘tilgan.
«Mazkur tavsiyalar o‘quvchilar xavfsizligini ta’minlash va turli tadbirlar, kiyim atributlari uchun noqonuniy ravishda pul mablag‘lari yig‘ilishining oldini olish uchun ishlab chiqilgan», — deya qayd etdi matbuot xizmati.
Ushbu tavsiyalar maktablar ma’muriyatlari uchun mo‘ljallangan. Jumladan, direktor va o‘qituvchilar «So‘nggi qo‘ng‘iroq» bilan bog‘liq tadbirlar, shuningdek, kiyim va atributlar sotib olish uchun pul mablag‘larini yig‘ishda ishtirok etmaydi.
«Maktab vakillari tomonidan pul yig‘ilishi ota-onalarning noroziligini keltirib chiqarmoqda», — deya izoh berdi matbuot xizmati.
Ayni vaqtda, XTV vakili odamlar huquqlarini cheklash vazirlik vakolatiga kirmasligini ham ta’kidlab o‘tgan.
«O‘quvchilar ota-onalari ishtirokida tashkiliy jarayonlarga maktab vakillarini jalb etmasdan, pul berishga imkoni bo‘lmagan o‘quvchilar, ota-onalarni majburlamagan holda o‘z xohishlari bilan qo‘shimcha tadbirlarni o‘tkazishlari mumkin», — deyiladi xabarda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi