Foto: Buxoro viloyati hokimligi matbuot xizmati
Butunjahon etnosport konfederatsiyasi rahbari, Kamonchilar fondi vasiylik kengashi raisi Bilol Erdo‘g‘on boshchiligidagi delegatsiyasi Buxoroda bo‘ldi.
Mehmonlarni Buxoro xalqaro aeroportida viloyat hokimi O‘ktam Barnoyev kutib oldi.
Viloyat rahbari va Bilol Erdo‘g‘on o‘rtasidagi muloqotda O‘zbekiston va Turkiya davlatlari o‘rtasida savdo-sanoat, ijtimoiy-madaniy yo‘nalishlardagi aloqalar haqida fikr almashildi.
Bilol Erdo‘g‘on va uning hamrohlari Naqshbandiya tariqati silsilasiga mansub yetti pir qadamjolarini ziyorat qildi.
G‘ijduvon tumanida turkiyalik mehmonlar bilan uchrashuv o‘tkazildi. Muloqot amaliy tarzda o‘tdi. Uchrashuv chog‘ida G‘ijduvon tumani hamda Istambul viloyatining Beyolu tumani o‘rtasida «Birodarlashgan shahar» memorandumi imzolandi. Unda ikki tomonlama, xususan, madaniy aloqalarni rivojlantirish ko‘zda tutilgan.
Foto: Buxoro viloyati hokimligi matbuot xizmati
— Buxoro Islom dini sivilizatsiyasi va madaniyatiga ulkan hissa qo‘shgan qadim muqaddas va mo‘’tabar zaminlardan biri sifatida e’tirof etilishi bejiz emas, — dedi Beyolu tumani hokimi Haydar Ali Yildiz. — Bu yerdan yetishib chiqqan ulamolar tomonidan qoldirilgan ilmiy-ma’naviy meros, ko‘hna an’ana va qadriyatlar dinimizni to‘g‘ri va oqilona saqlash, targ‘ib etish va rivojlantirishda beqiyos ahamiyatga ega. Shu ma’noda «Yetti Pir» bo‘ylab qilingan ziyorat bizda katta taassurot qoldirdi. Islom olamining yetuk namoyandalari haqida batafsil ma’lumotga ega bo‘ldik.
Turkiya delegatsiyasi Buxoro shahrida o‘tkazilayotgan «Qovun sayli»da ham ishtirok etdi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
SSKA ustozi Fedotov Abbos Fayzullayevning jamoaga qaytgani haqida nima dedi?
Tbilisidagi namoyishlar: politsiya qalampir gazidan foydalandi
Kuleba Rossiya qachon muzokaralarda ishtirok etishi mumkinligi haqida gapirdi
Navoiyda avtomashinasiga sirena o‘rnatib harakatlangan haydovchiga chora ko‘rildi
O‘zbekistonda qaysi davlatlarning kapitali ishtirokidagi korxonalar soni ko‘p?