Sobiq bosh prokuror Rashidjon Qodirovga bag‘ishlangan ko‘rsatuv tayyor

O‘zbekiston televideniyesida O‘zbekiston Respublikasi Bosh prokuraturasini 15 yil boshqargan Rashidjon Qodirovga bag‘ishlangan hujjatli ko‘rsatuv tayyor bo‘lgan. Bu haqda «Zarnyus» nashri xabar bermoqda.

«Mazkur ko‘rsatuv orqali Rashid Qodirovning korrupsionerlik ishlari, prokuratura faoliyati davomida sodir etgan jinoyatlari tafsilotlari ommaga oshkor bo‘ladi.

Aytishlaricha, yana bir bor maxsus tekshiruv va kuzatuvlardan ko‘rsatuv o‘tgach, shu hafta efirga beriladi», — deyiladi xabarda.
Nashr xabarida ko‘rsatuv qaysi telekanal orqali efirga uzatilishiga oydinlik kiritmagan.

Aytish kerakki, O‘zbekiston Prezidenti Shavkat Mirziyoyev bir qancha vaqt muqaddam Ulug‘nor tumanida Andijon viloyati faollari ishtirokidagi videoselektor yig‘ilishida sobiq bosh prokuror Rashid Qodirovni televideniye orqali gapirtirishga va’da bergan edi. “Zamin”ni Telegramʻda oʻqing!