O‘zbekiston armiyasida bo‘yi 190 santimetrdan baland bo‘lgan harbiylarga qanday imtiyozlar beriladi?

^{Foto: Markaziy harbiy okrug matbuot xizmati}
O‘zbekiston armiyasida bo‘yi 190 santimetr va undan baland bo‘lgan harbiy xizmatchilar qo‘shimcha oziq-ovqat payogi bilan ta’minlanadi. Bu haqda Markaziy harbiy okrug matbuot xizmati ma’lum qildi.

Mudofaa, Ichki ishlar, Favqulodda vaziyatlar, Axborot texnologiyalari vazirligi hamda DXX rahbarlari tomonidan tasdiqlangan qo‘shma qarorning 30-moddasida ushbu imtiyozning berilish shartlari ko‘rsatib o‘tilgan.

Unga ko‘ra, harbiy vrachlar komissiyasi xulosasiga ko‘ra, bo‘yi 190 santimetr va undan yuqori bo‘lgan harbiy xizmatchilarga qo‘shin turiga qarab, beriladigan oziq-ovqat payogining 50 foizi miqdorida qo‘shimcha berilishi ko‘zda tutilgan.

Oziq-ovqat payogi o‘rnida beriladigan badal pullari, ya’ni bir oyda eng kam ish haqining 3 barobari (2019 yil 6 sentyabr holatiga ko‘ra EKIHning uch barobari 669 000 so‘mga teng) miqdorida qo‘shimcha payoksiz to‘lab beriladi. “Zamin” yangiliklarini “Facebook”da kuzatib boring