To‘y-hashamlarni o‘tkazish borasidagi cheklovlar ko‘pkari va kurash kabi umumxalq o‘yinlariga daxldor emas, deb ma’lum qildi To‘ylar, oilaviy tantanalar, ma’raka va marosimlar o‘tkazilishini muvofiqlashtirish bo‘yicha respublika komissiyasi raisi Iqbol Mirzo.
Komissiyaning ilk yig‘ilishi bugun, 20 sentyabr kuni Oliy Majlis Senatida bo‘lib o‘tdi. Unda qatnashgan Madaniyat vazirining birinchi o‘rinbosari Ozodbek Nazarbekov belgilangan cheklovlarning ko‘pkari va kurashga aloqasi bor-yo‘qligi masalasini aniqlashtirish maqsadida savol bilan murojaat qildi.
«Ayrim oilalar to‘y bilan birgalikda ko‘pkari, kurash o‘yinlarini ham o‘tkazadi. Ularda bir paytning o‘zida 10-20 ming, hatto 50 minggacha odam yig‘iladi. Odamlarga qozon-qozon osh damlanadi. Tabiiyki, bu - bizning qadriyatimiz.
Endi bitta savol tug‘iladi: biz ko‘pkari, kurash o‘tkazishni ham taqiqlaymizmi? Agar shunday qilinsa, bu bitta qadriyatimizning yo‘qolib ketishiga olib kelishi mumkin», – deya izoh so‘radi Nazarbekov.
Komissiya raisi Iqbol Mirzo savolga javob berar ekan, bu o‘yinlarni to‘y-hashamlarga bog‘lash noto‘g‘riligini aytdi.
«Uloq, kurash kabi qadriyat darajasidagi xalq o‘yinlarini o‘tkazishga hech qanaqa cheklov yo‘q. Ularni to‘y-hashamlarga bog‘lash noto‘g‘ri», dedi u. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Sirskiy Rossiya Donetsk oblastida taktik yutuqlarga erishayotgani haqida gapirdi
Sudyalar oliy kengashi «Jo‘rayevlar ishi»da tomonlarni turli xil bayonot berishdan tiyilishga chaqirdi
Frontdagi vaziyat: RF armiyasi Donetsk oblastida mudofaani yorib o‘tdi
Ukraina QK bosh qo‘mondoni: “Frontda vaziyat keskin, Rossiya taktik muvaffaqiyatga erishdi”
Xitoyda tornado besh kishining umriga zomin bo‘ldi (video)
O‘zbekiston Bibixonim masjidini rekonstruksiya qilayotgan Qatarga minnatdorlik bildirdi
Fransiya Germaniyani Yevropa mudofaasini birgalikda kuchaytirishga chaqirdi