Farg‘ona shahridagi Kimyogarlar ko‘chasidagi uyda joylashgan «Farg‘ona stats oyl» MChJning noqonuniy faoliyatiga chek qo‘yildi. Bu haqda «O‘zneftgazinspeksiya» axborot xizmati xabar bermoqda.
Qayd etilishicha, holat «O‘zneftgazinspeksiya» tomonidan neft va neft mahsulotlarini qayta ishlash bo‘yicha yashirin sexlarni aniqlash va ularning faoliyatiga chek qo‘yish maqsadida o‘tkazilgan navbatdagi tadbirlar paytida aniqlangan.
Vakolatli organlardan ruxsat beruvchi hujjatlarga ega bo‘lmagan holda korxona yashirin ishlab chiqarishni - xom neftga ishlov berish bo‘yicha sexni tashkil qilgan. Foydalanilgan texnologiyaga ko‘ra, mahsulot gaz kondensatini to‘g‘ridan-to‘g‘ri haydash yo‘li bilan olingan, neft mahsulotlarini sovitish esa ularni 40-millimetrli 4 ta po‘lat quvur orqali haydash yo‘li bilan amalga oshirilgan. Bu quvurlar oqar suvli lotoklar ichidan o‘tkazilgan. Korxona hududida, shuningdek, 2 ta yer osti va 7 ta yer usti sig‘imlar, 4 ta bir tonnalik va 20 ta yigirma litrlik yelim idishlar, 4 ta 200 litrlik temir bochka va ikkita 1 m3lik gorizontal idishlar topilgan.
Bildirilishicha, ob’ektda neft va neft mahsulotlariga ishlov berish bo‘yicha ishlab chiqarish sikli tashkil qilingan. Aniqlangan ashyoviy dalillar orasida 5 tonna xom neft, 5,5 tonna dizel yoqilg‘isi, 23,5 tonna sanoat moyi, shuningdek, 12 tonna neft shag‘ali va 3 tonna neft koksi bor.
Neft xomashyolar va qayta ishlangan mahsulotlar hamda moylar temir sig‘imlarda saqlangan. Hozirgi paytda idishlarda saqlangan neft mahsulotlarining umumiy hajmi aniqlanmoqda.
Topilgan idishlardagi mahsulotning sifatini aniqlash uchun 5 ta namuna olindi. Namunalar Farg‘ona neftni qayta ishlash zavodining kimyoviy nazorat laboratoriyasiga batafsil tahlil o‘tkazish uchun yuborilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Shavkat Mirziyoyev ikki yirik tuzilma rahbarlari bilan muloqot o‘tkazdi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
"Liverpul" futbolchisi jamoadoshining xotini bilan “don olishib yurgani" ma’lum bo‘ldi
Falastin tarafdorlari namoyishlari butun dunyo universitetlarini qamrab olmoqda
Kolumbiya Isroil bilan diplomatik aloqalarni uzdi