Oʻzbekistonning Rostov-Dondagi Bosh konsulligi bergan maʼlumotlarga koʻra, Rossiya Federatsiyasining Krasnodar oʻlkasida mehnat migratsiyasida boʻlgan 5 nafar fuqaro YTHga uchradi. Natijada ularning 2 nafari halok boʻlgan. Ularning bir nafari Oʻzbekiston fuqarosi boʻlgan. 3 nafar fuqaro esa Temryuk kasalxonasiga yetkazilgan. Berilgan maʼlumotlarga koʻra, mazkur fuqarolarning 2 nafari biroz ahvoli yaxshilangach Oʻzbekistonga qaytib kelishgan. Biroq 1985-yil Namanganda tugʻilgan Ravshan Toʻxtamatov juda jiddiy jarohat olgan boʻlib, unda suyak sinishlari, ichki aʼzolarining lat yeyishi, miyasida jiddiy jarohat hamda gemotoma borligi aniqlangan. “Yotoq” bemorini samolyotda Oʻzbekistonga yetkazishni hech bir reys xohlamagan.
Bandlik va mehnat munosabatlari vazirligi tashabbusi bilan Sogʻliqni saqlash vazirligi, Favqulodda vaziyatlar vazirligi hamda “Oʻzbekiston havo yoʻllari” Milliy aviakompaniyasi Oʻzbekiston fuqarosi Ravshan Toʻxtamatovni yurtimizga qaytarish yoʻlida birlashdi. Ularning saʼy-harakatlari samarasi oʻlaroq, bemor 5-noyabr kuni Oʻzbekistonga olib kelindi.
Bemorning turmush oʻrtogʻi Eʼzoza Mamatovaga koʻra, Ravshan Toʻxtamatovga u Oʻzbekistonga yetib kelgungacha boʻlgan muddatda Oʻzbekistonning Rostov-Dondagi Bosh konsulligi yordam koʻrsatgan, vaziyatni nazoratga olgan.
Maʼlumotlarga koʻra, bemorning Oʻzbekistonga qaytarilishida “Oʻzbekiston havo yoʻllari” Milliy aviakompaniyasi tomonidan, istisno tarzida, Ravshan Toʻxtamatovga “yotoq” joy hamda uning hamrohlari uchun jami 9 ta oʻrin tashkilot hisobidan ajratib berilgan. Sogʻliqni saqlash vazirligi bemorning ahvolini nazorat qiluvchi hamda parvoz payti unga hamrohlik qiluvi maxsus shifokorni safarbar etgan. Favqulodda vaziyatlar vazirligi bemorni maxsus zambilda Toshkent aeroportidan Respublika shoshilinch tibbiy yordam koʻrsatish ilmiy markaziga yetkazgan.
Hamroh shifokorning soʻzlariga koʻra, bemor parvoz mahali oʻzini yaxshi qilgan. Qon bosimida oʻzgarishlar kuzatilmagan.
Bemorning turmush oʻrtogʻi barcha tashkilotchilardan minnatdor ekanini aytib oʻtdi, deya maʼlum qildi Bandlik va mehnat munosabatlari vazirligi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Istanbuldagi 1 may namoyishlarida 140 dan ortiq kishi hibsga olindi
Abbosbek Fayzullayev ham Osiyo kubogi finalida o‘ynamaydi
Timur Kapadze Yaponiyaga qarshi kechgan finaldan so‘ng nimalar dedi?
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Ukraina Qrimga ATACMS raketalari bilan hujum qildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi
