Avtomobil yo‘llarini o‘zboshimchalik bilan qazish, ularda sun’iy notekisliklar va to‘siqlar yaratish holatlari aniqlangan taqdirda, ma’muriy huquqbuzarlik to‘g‘risida bayonnoma tuziladi. Bu haqda Oliy Majlis Qonunchilik palatasidagi O‘zbekiston XDP fraksiyasining navbatdagi yig‘ilishida muhokama etildi.
Qayd etilganidek, yangi tahrirdagi Soliq kodeksi loyihasini ikkinchi o‘qishga tayyorlash jarayonida ko‘plab muhokamalar, bahs-munozaralar o‘tkazildi. Ushba jarayonda fraksiya deputatlari ham faol ishtirok etib, yangi tashkil qilinayotgan kichik biznes sub’ektlariga ma’lum muddat soliq imtiyozi berish, mavsumiy ishlar bilan band aholiga mavsumdan tashqari paytda – tadbirkorlik faoliyatini yuritmagan davrda soliq ta’tili joriy etish kabi takliflarni ilgari surdi. Mazkur takliflar qonun loyihasida o‘z aksini topdi.
O‘zXDP fraksiyasi a’zolari ikkinchi o‘qishga tayyorlangan ushbu qonun loyihasini partiya elektorati manfaatlaridan kelib chiqib, qizg‘in muhokama qildi va takliflarini bayon etgan holda, uni qo‘llab-quvvatladi.
Shuningdek, deputatlar O‘zbekiston XDP fraksiyasi a’zolari tashabbusi bilan kiritilgan “O‘zbekiston Respublikasining Ma’muriy javobgarlik to‘g‘risidagi kodeksiga o‘zgartish va qo‘shimchalar kiritish haqida”gi qonun loyihasini birinchi o‘qishda muhokama qildi.
Qonun loyihasining qabul qilinishi yo‘l-qurilish ishlari sifatini nazorat qilish, muhandislik kommunikatsiyasi tarmoqlarini qurish-ta’mirlashda shahar ko‘chalari va boshqa aholi punktlarining yo‘l qoplamasini demontaj qilish hamda tiklash bo‘yicha ishlarni nazorat etishda muhim omil bo‘ladi.
Shuningdek, O‘zbekiston Respublikasining Ma’muriy javobgarlik to‘g‘risidagi kodeksiga yo‘l-qurilish ishlari sifatini nazorat qilish organlari vakolatlarini belgilovchi alohida yangi 2684-modda kiritish taklif etilmoqda. Ya’ni, avtomobil yo‘llarini o‘zboshimchalik bilan qazish, ularda sun’iy notekisliklar va to‘siqlar yaratish, avtomobil yo‘lida ishlarni amalga oshirish uchun berilgan ruxsatnoma talablarini bajarmaslik, shuningdek, yo‘llarni saqlash qoidalarini buzish va yo‘l-qurilish sohasidagi qonun hujjatlari buzilishiga taalluqli ma’muriy huquqbuzarliklar aniqlangan taqdirda, ma’muriy huquqbuzarlik to‘g‘risida bayonnoma tuziladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida ekologiya inspektorlari hujumga uchradi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Rossiya bilan hamkorlikda Qashqadaryoda osma yo‘l quriladi
Har bir qizning orzusi: turk seriallaridagi eng chiroyli 4 ta to‘y
Shoygu Ukraina dronlariga qarshi qo‘llaniladigan yangi vositalar bilan tanishdi
Ukraina 300 mingta dron sotib olish uchun pul ajratadi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi