Markaziy bank bank xizmatlari isteʼmolchilariga eslatma bilan chiqdi.
Qayd etilishicha, Markaziy bankka jismoniy shaxslardan oʻz mulkini (koʻchmas mulk yoki avtomobil) sotishdan tushgan pul mablagʻlarini, dividend yoki gonorarlarni oʻzlarining bank kartalari va depozit hisobvaraqlari orqali olish tartibi yuzasidan koʻplab murojaatlar tushmoqda.
Bildirilishicha, jismoniy shaxslar, xususiy mulkini sotishdan tushgan pul mablagʻlarini, shuningdek, dividendlar, ijodiy faoliyatidan olingan gonorarlar va qonunchilikda taqiqlanmagan boshqa tushumlarini oʻzlarining bank kartalari va depozit hisobvaraqlariga cheklovlarsiz olish huquqiga ega.
Mulk oldi-sotdi shartnomasini tuzishda, shuningdek, dividend va boshqa qonuniy toʻlovlarni olishda, toʻlovni amalga oshiruvchi tomonga mablagʻ oluvchining bank kartasi yoki depozit hisobvaragʻining bank rekvizitlarini taqdim etish zarur, ularni xizmat koʻrsatuvchi bankdan olish mumkin.
Banklarning mobil ilovalaridan yoki toʻlov tashkilotlarining (Payme, Click, Paynet va boshqalar) xizmatlaridan foydalanganda, toʻlovchiga mablagʻ oluvchining bank kartasi raqamini berishning oʻzi kifoya.
Mobil ilovalar va boshqa oʻziga oʻzi xizmat koʻrsatuvchi vositalar orqali pul mablagʻlari bilan toʻlovlar va oʻtkazmalar amalga oshirganda, hech qachon va hech kimga SMS-xabar koʻrinishida olinadigan bir martalik parolni bermaslik kerak.
Agar bank kartasi SMS orqali xabar berish xizmatiga ulangan boʻlsa, u holda bank kartasi egasi mobil telefon orqali SMS-xabarnoma yoki Telegram-bot orqali uning bank kartasiga mablagʻ tushganligi haqida maʼlumot olishi mumkin.
Banklar jismoniy shaxslarning bank kartalari yoki depozit hisobvaraqlariga mablagʻlarni kirim qilganligi uchun vositachilik haqi undirishga haqli emas, deyiladi maʼlumotda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyaning harbiy operatsiyadagi manyovri Ukrainani hayratga soldi
Erdo‘g‘on terrorchilar haqida keskin gapirdi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
AQSH rasmiylari: Millionlab amerikaliklar xitoylik hakerlar hujumiga uchragan
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiya qo‘shinlari Avdeyevkadagi ikkita qishloqni egallab oldi
Rossiya Ukrainaning harbiy dron yig‘uv inshootlarini yo‘q qildi