– Qayerdan kelyapsan, Mallaxon?
– He o‘lsin, RUVDidan! Pasportga borgandim...
– Oldingmi?
– Ololmadim, navbat ko‘p... Hammayoq mol! Saniki nima bo‘ldi?
– Rasmga tushdim u kuni.. Padariga la’nat qiyin ekan... Hali o‘ng tuyog‘ingizni qo‘ying deydi, hali chapini qo‘ying, deydi.
– Ey, o‘lmagan qul ko‘rarkan, dugon. Shu kunlarni ham ko‘rdik. Sening buqangning baxti bor ekan, omon-omon zamonlarda so‘yilib ketdi.
– Haaa, nimasini aytasan, molchilik tarixida bunaqasi bo‘lmagan. Hali propiska ham deb kuydirmasa bo‘ldi.
– Bulardan har balo kutish mumkin. Bittasi “viloyatliklar endi poytaxtga uchastkavoyning jetoni bilan kirsin” deganmush.
– Voooy yaramas, kalla bormi bularda?!
– Partiyaga kalla shartmas...
– Shu bizga pasport olish masalasini ham shunga o‘xshagan bittasi ko‘tardi-da.
– Hech kimga aytmaginu, o‘zi hammayoqni shunga o‘xshaganlar bosib ketdi. Bittasi bundan keyin bitta oilaga ikki yarim million so‘m yetadi deganmush. Endi ujinga non-pon, po‘choq-muchoq ham chiqmaydi.
– Padariga la’nat! Bir gramm ham sut bermayman bundan keyin!
– Yo‘o‘o‘, bunday qila ko‘rma, shessekundda yo‘q qivorishadi! Dalaga ketasanu qaytmaysan, tamom. O‘tlayman deb jarga tushib ketibdi, deyishadi. Hayot shu, Mallaxon! Undan ko‘ra sutingni berib, xizmatingni qilaver!
– Xo‘p...
Eslatma: Muallif fikri tahririyat nuqtai nazarini ifodalamasligi mumkin.
Manba: Sof.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Husiylar O‘rtayer dengizida Isroilga ketayotgan kemalar o‘qqa tutilishini e’lon qildi
U-23 Osiyo kubogi. Abduvohid Ne’matov turnirning eng yaxshi darvozaboni deb topildi!
Gulistonda Nexia avtomashinasining gaz balloni portlab ketdi (video)
Ukraina milliy banki noxush ma’lumotni oshkor etdi
Organizmda gormonlar bilan bog‘liq muammo borligini bildiradigan simptomlar
Saudiya Arabistonida 100 ming nafargacha o‘zbekistonliklar doimiy ishga joylashtirilishi mumkin
AQSH Isroil bilan tinchlik o‘rnatishga rozi bo‘lgandan keyingina Ar-Riyod bilan shartnoma tuzadi
Tbilisida noma’lum shaxslar namoyishchilarga hujum qildi