3 568
Toshkentda 24 yanvar kuni kuzatilgan zilzila oqibatida institut xonasidagi shift ko‘chib tushdi (video)
Ijtimoiy tarmoqlarda 24 yanvar, juma kuni Toshkent arxitektura-qurilish institutida xona shifti ko‘chib tushganligi aks etgan videoxabarlar tarqaldi. Ushbu holat yuzasidan Qurilish vazirligi matbuot xizmati izoh berdi.
Ma’lum qilishlaricha, videoda aks etgan o‘quv xonasi Shayxontohur tumani Paxtakor ko‘chasi 3-uyda joylashgan bo‘lib, unda 2019 yilning oktabr oyidan beri dars mashg‘ulotlari olib borilmaydi, binoning o‘zi kapital ta’mirlash manzilli dasturiga kiritilgan.
«Bino 1950 yilda qurilgan. Kapital ta’mirga muhtoj mazkur binoning 3-qavatidagi 310-auditoriya shifti osilib qolgani sabab, 2019 yil oktabridayoq yopib qo‘yilgan», — deyiladi Qurilish vazirligi axborotida.
Alohida qayd etishlaricha, Toshkentda 24 yanvar kuni kunduzi kuzatilgan 2—3 ballik yerosti silkinishlari oqibatida xonadagi osilib qolgan shiftning 5 kvadrat metri ko‘chib tushgan.
«Holat yuzasidan Qurilish vazirligi tomonidan FVV va Oliy va o‘rta maxsus ta’lim vazirligi bilan hamkorlikda ishchi guruhi tuzildi, voqea joyiga borilib, vaziyatni o‘rgangan holda tegishli chora-tadbirlar amalga oshirilmoqda», — deya qo‘shimcha qilingan vazirlik axborotida.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi