Uy-joy sharoitlarini yaxshilashga ehtiyojmand mehnat migrantlariga ko‘p kvartirali uylardan xonadonlar ajratish tartibi belgilandi.
Tartibga muvofiq, uy-joylar imtiyozli ipoteka krediti asosida har yili tuman (shahar)lardan belgilangan tartibda ajratiladi.
Uy-joy ajratish quyidagi bosqichlarda amalga oshiriladi:
1. Ariza beruvchi talabgor sifatida “labor_migration” dasturiy majmuasidan ro‘yxatdan o‘tishi kerak.
Ushbu dasturdan ro‘yxatdan o‘tish uchun ariza beruvchi Tashqi mehnat migratsiyasi agentligi yoki uning hududiy filiallariga murojaat qilishlari lozim bo‘ladi.
Ariza beruvchi kim?
- bu, uy-joy sharoitlarini yaxshilashga ehtiyojmand mehnat migranti yoki uning nomidan oila a’zosi (otasi, onasi, farzandi, aka-ukasi, opa-singlisi) xisoblanadi.
Shaffoflikni ta’minlash maqsadida dasturdan ro‘yxatdan o‘tgan fuqarolar www.labormigration.uz rasmiy veb-saytda doimiy e’lon qilib boriladi.
2. Ariza beruvchi yozma tavsiyani olish uchun talabgorlarni tanlash bo‘yicha komissiya raisiga doimiy yashash joyi bo‘yicha hujjatlarni va so‘rovnoma-arizani taqdim etadi;
Komissiya hujjatlarni 15 ish kuni ichida ko‘rib chiqadi.
Komissiya arizani ko‘rib chiqishda uy-joy sharoitini yaxshilashga ehtiyojmand mehnat migrantlarini qator ijtimoiy mezonlar asosida (talabgor nomida uy-joy yo‘qligi, ijarada turishi, boshqa oila bilan bir uyda yashashi, ko‘p bolalilik va b.) aniqlaydi.
Arizani ko‘rib chiqish va uy-joy sharoitini o‘rganish natijasida komissiya yozma tavsiya berish yoki yozma tavsiya berishni rad etish to‘g‘risida qaror qabul qiladi.
3. Yozma tavsiya berilgan talabgorlar dastlabki shartnomalarni tuzish uchun injiniring kompaniyasi filialiga murojaat qiladi.
2020 yil dasturlari doirasida uy-joy sharoitlarini yaxshilashga ehtiyojmand mehnat migrantlari uchun ipoteka kreditlarini ajratish bo‘yicha:
- imtiyozli davr – 1 yil;
- kreditdan foydalanishning birinchi 5 yili davomida har yili foiz stavkasini qat’iy belgilangan 7 foizdan qayta moliyalashtirish stavkasi darajasigacha bir me’yorda oshib boradigan stavkada va keyingi davrda qayta moliyalashtirish stavkasida belgilanadi.
Eslatib o‘tamiz, O‘zbekiston Respublikasi Prezidentining 2019 yil 20 avgustdagi PF-5785-son Farmonida uy-joy sharoitlarini yaxshilashga ehtiyojmand mehnat migrantlariga 2020 yilda uy-joylar qurilishi bo‘yicha davlat dasturlarining ijrosi doirasida ko‘p kvartirali uylardan 3 462 ta xonadon ajratilishi belgilangan.
Tashqi mehnat migratsiyasi agentligi
Samarqand viloyati filiali direktori
Xafizov Abduaziz Dilshodovich
“Zamin” yangiliklarini “Twitter”da kuzatib boring
Samarqand viloyati filiali direktori
Xafizov Abduaziz Dilshodovich
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Turk seriallari yulduzi Demet O‘zdemirning Istanbuldagi shinam villasiga sayohat
Sof quyma oltin sotayotgan shaxslar qo‘lga tushdi
Ukraina 300 mingta dron sotib olish uchun pul ajratadi
Qozog‘istonda sobiq ichki ishlar vaziri qo‘lga olindi
Ko‘p kvartirali uylarda «kvartplata»ning eng kam miqdori tasdiqlandi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi