Qozog‘istonda koronavirus infeksiyasini yuqtirganlar soni olti kishiga yetdi, deb xabar qilmoqda Qozog‘iston sog‘liqni saqlash vazirligi rasmiy vakili Dias Axmetsharip.
“Qozog‘istonda koronavirusni yuqtirganlar soni hozircha olti nafar, ulardan to‘rt nafari Olma-otada, ikki nafari Nur-Sultonda karantinga olingan“, — dedi Sog‘liqni saqlash vazirligi rasmiy vakili.
Shuningdek, statsionar karantindagi fuqarolar soni 1090 kishini, uy karantinidagilar soni – 452 kishini tashkil etayotgani qo‘shimcha qilingan. Shu bilan birga, XXR va mamlakatga chegaradosh bo‘lgan davlatlardan kelayotgan fuqarolar monitoringi davom ettirilmoqda.
Ma’lumot uchun, dunyoning 138 ta davlatida koronavirusni yuqtirganlik bo‘yicha 145 321 holat qayd etilgan, shu jumladan, XXRda – 80 813 holat, ulardan — 3 176tasi o‘lim bilan yakunlangan. Sog‘ayganlar soni 64 111 kishini tashkil qilgan (79,3%). Statsionarlarda 13 526 bemor qolmoqda.
Boshqa davlatlarda – 64 502 (shu jumladan, sayohat laynerlarida ham) holat qayd etilgan, ulardan – 2 238 o‘lim bilan yakunlangan(3,4%).
Italiyada – 17 660 holat, vafot etgan – 1 439; Eronda – 11 364 holat, vafot etgan – 514; Janubiy Koreyada — 7 979 holat, vafot etgan – 71.
Fransiyada – 3 661 holat, vafot etgan – 79; Ispaniyada – 5 232 holat, vafot etgan – 133; Germaniyada – 3 675 holat, vafot etgan – 8.
Sog‘liqni saqlash vazirligi koronavirus infeksiyasi tarqalishining oldini olishda quyidagi profilaktika choralariga amal qilishga chorlab qoladi:
- qo‘llarni va yuzni tez-tez sovunlab yuvish;
- odamlar to‘planadigan joylarga bormaslik;
- kasal odamlar bilan aloqa qilishdan qochish;
- shamollash kasalligi belgilari paydo bo‘lganida (tana harorati ko‘tarilishi, yo‘tal, tomoqdagi og‘riq) zudlik bilan uyga tez yordam chaqirish lozim. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi