O‘zbekistonda yana 38 kishida koronavirus aniqlanib, ularning umumiy soni 767 taga yetdi

«2020 yil 11 aprel soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 767 nafarni tashkil qilmoqda», – deyiladi Sog‘liqni saqlash vazirligi xabarida.

Shu tariqa, 11 aprel kuni bemorlar soni 98 nafarga oshdi. Bu – ilk holat qayd etilgan 15 martdan keyingi davrdagi ikkinchi eng ko‘p kunlik kasallanish ko‘rsatkichi. Bugungidan ko‘p bemor faqat 6 aprelda qayd etilgan edi – 115 kishi.

Bugun, shuningdek, mamlakatda koronavirusdan to‘rtinchi o‘lim holati qayd etildi – Farg‘onaning Yozyovon tumanidan bo‘lgan 59 yoshli ayol vafot etdi.
Eslatib o‘tamiz, tuzalganlar soni 42 kishini tashkil etmoqda. “Zamin”ni Telegramʻda oʻqing!