Videodan kadr
Noma’lum shaxslar operatorning ko‘ziga gaz sepib, mashinasining oynalarini sindirishgani va uning videokamerasini olib qochib ketishgani aytilmoqda.
13 may kuni soat 19:00ga yaqin EFFECT.UZ sayti xodimi G‘iyosbek Eshov Farg‘ona viloyatining Quva tumanida jiddiy hujumga uchragan. Bu haqda EFFECT.UZ muxbiri Elyor Tojiboyev tahririyatga video murojaat orqali ma’lum qilgan.
Muxbir Tojiboyevning aytishicha, holat Quva tumani hokimligida fuqaroning murojaati o‘rganilgandan so‘ng sodir bo‘lgan.
«Quva tumani hokimligidan fuqaroning murojaatini o‘rganib chiqdik va Farg‘ona shahriga otlandik. Yo‘lda men murojaatchining mashinasiga mindim, operatorimiz G‘iyosbek Eshov esa o‘ziga tegishli «Matiz» mashinasida bizdan oldinlab ketgandi. Birdan operator qo‘ng‘iroq qilib, unga yo‘lda hujum bo‘lganini aytdi. Voqea joyiga yetib borgan chog‘imiz juda ham xunuk manzaraga guvoh bo‘ldik.
Noma’lum kimsalar operatorning ko‘zlariga gaz sepib, mashinasining oynalarini sindirib yuborishgan ekan. Ustiga-ustak, ular tahririyat mulki bo‘lgan operatorning videokamerasini olib qochib ketishgan.
Ammo ular o‘ziga tegishli bo‘lgan hujjatlarini unutib qoldirishganki, biz ushbu kimsalarni ushbu hujjatlari orqali topishga erishdik va ayni vaqtda Quva tumani tezkor xodimlariga bo‘lgan voqea haqida aytib berdik.
Bilishimizcha, hozirda butun Farg‘ona ushbu hodisa yuzasidan oyoqqa turgan va tegishli tashkilotlar tomonidan kerakli yordamlarni olmoqdamiz. Ushbu holatdan Respublika miqyosidagi ayrim tashkilotlar ham xabardor bo‘ldi.
Operatorimizni shifoxonaga olib ketishdi, uning ko‘zlari hozirda yaxshi ko‘rmayapti. Holat bo‘yicha jinoiy ish qo‘zg‘atilmoqda. Bizga hujum qilgan shaxslar Quva tuman hokimligi tomonidan ham yollangan bo‘lishi mumkin.
Mashinaning oynasini sindirishga, operatorga shunchalik darajada hujum qilishga va tahririyat mulki bo‘lgan videokamerani olib ketishga hech kimning haqqi yo‘q edi. Ammo bilmadik, nega bunday bo‘ldi. Hozirda bizdan IIO xodimlari tushuntirish xatlarini oldi», — degan EFFECT.UZ saytining Farg‘onadagi muxbiri Elyor Tojiboyev.
Ushbu voqea yuzasidan Bosh prokuratura matbuot kotibi Hayot Shamsuddinov rasmiy munosabat bildirdi.
«EFFECT.UZ saytining xodimi Farg‘ona viloyatining Quva tumanida noma’lum shaxslar tomonidan hujumga uchragani holati yuzasidan tuman IIB va prokuraturasi bilan hamkorlikda tergov oldi tekshirish harakatlari olib borilmoqda.
Mazkur holat Bosh prokuratura tomonidan nazoratga olingan. Tekshirish natijalari haqida qo‘shimcha ravishda xabar beriladi», — dedi Hayot Shamsuddinov. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Surxondaryo viloyatida ayiq IIB xodimiga jarohat yetkazdi
Kolumbiya prezidenti Netanyaxuni hibsga olishga chaqirdi
D vitamini dozasini oshirib yuborishning xavfli oqibatlari
Timur Kapadze Parijdagi “Park de Prens” stadionini shaxsan ko‘zdan kechirdi
Jahon bankining sobiq rahbari: AQSH o‘ziga qaram bo‘lganlarga pand bermoqda
Jizzaxda uchta yuk mashinasi ishtirokida YTH sodir bo‘ldi
