Kadr: Telegram
8 iyun kuni ijtimoiy tarmoqlarda Toshkent ko‘chalarida Lacetti haydovchisi o‘z avtomobilida bir fuqaroni bir necha metrga sudrab, voqea joyidan qochib ketgani tasvirlangan video tarqaldi. MY5 kanalining «Hudud» dasturida ma’lum qilinishicha, qoidabuzar haydovchi IIBB xodimlari tomonidan qo‘lga olingan.
Videodan ko‘rish mumkinki, Lacetti avtomobili orqaga harakatlanib, ochiq holda turgan Spark’ni turtib yuborgan, shuningdek, mashina ro‘parasidagi fuqaroning ustiga haydagan va uni bir necha metrgacha sudrab borgan.
Ma’lumotlarga ko‘ra, mazkur holat Toshkentning Olmazor tumanidagi Gulsaroy va Qorasaroy ko‘chalari chorrahasida sodir bo‘lgan. Ertalab soat 09:00 larda yuzaga kelgan tirbandlik vaqtida Lacetti haydovchisi yo‘lning qarama-qarshi tarafida harakatlanib, ro‘paradan kelayotgan Spark bilan to‘qnashuv sodir etishiga bir baxya qolgan.
«Qarama-qarshi yo‘nalishdan haydab keldi. Agar mashinamni trotuar tarafga olib qochmaganimda, kelib urilgan bo‘lardi. Oynani ochib, nega bunaqa qilayotganini so‘radim. Ayb unda bo‘lyapti, uzr so‘rasa bo‘ladi, u esa kechirim so‘ramadi. Mashinalarimizdan tushib, dahanaki janjallashib ketdik», — deydi Spark haydovchisi.
Jabrlanuvchining onasini so‘zlariga ko‘ra, Lacetti haydovchisi o‘g‘lini 50-60 metrgacha sudrab ketgan.
Olib borilgan surishtiruv ishlari natijasida Lacetti avtomobilining 24 yoshli haydovchisi aniqlanib, ushlangan.
Hozirda holat yuzasidan IIO FMB tomonidan dastlabki tergovoldi surishtiruv ishlari olib borilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pnevmatik qurollarni o‘z ixtiyori bilan topshirganlar javobgarlikdan ozod etiladi
D vitamini dozasini oshirib yuborishning xavfli oqibatlari
Jizzaxda uchta yuk mashinasi ishtirokida YTH sodir bo‘ldi
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Ukraina prezidenti mahbuslarni safarbar qilish to‘g‘risidagi qonunni imzoladi
Kirbi: “AQSH Rossiya va Xitoy o‘rtasidagi aloqalar mustahkamlanishidan xavotirda”