O‘zini o‘zi band qilayotgan, qo‘lida kasb-hunari bor fuqarolarga munosib sharoit yaratish maqsadida mamlakatimizda yangi tizim joriy etildi. Endilikda hunarmandchilik, ustachilik, zargarlik, novvoylik, duradgorlik, sartaroshlik kabi o‘zini o‘zi band qilgan 67 dan ziyod kasb egalari faoliyatga huquqiy baho berilib, daromad solig‘idan ozod qilinadigan bo‘ldilar.
Mazkur fuqarolarni ro‘yxatga olish va hisobini yuritish bo‘yicha 2020 yil 1 iyuldan ilg‘or xorijiy tajriba asosida Davlat soliq qo‘mitasi tomonidan SOLIQ mobil ishlab chiqildi. Ushbu mobil ilova orqali ko‘rsatilgan xizmatlar bo‘yicha buyurtmalarni qabul qilish, daromad va xarajatlar hisobini yuritish, ko‘rsatilgan xizmatlarni reklama qilish imkoniyatlari mavjud.
Shuningdek, o‘zini o‘zi band qilgan holda faoliyat yuritayotgan jismoniy shaxslar 2020 yil uchun ijtimoiy soliqni haqiqatda ishlagan vaqtidan qat’iy nazar bazaviy hisoblash miqdorining kamida 50 foizi ya’ni 111500 so‘m miqdorida amalga oshiradilar.
- Men bugun birinchilardan bo‘lib, SOLIQ mobil ilovasi orqali o‘zini o‘zi band qilgan shaxs sifatida ro‘yxatdan o‘tdim,-deydi Ohangaron shahri Muqimiy ko‘chasi 8-uyda istiqomat qiluvchi Dilafro‘z Nuriddinova. Sartaroshlik sohasida 12 yillik tajribam bo‘lsada, mehnat faoliyatim hech qayerda qonuniy qayd etilmagan edi. Endilikda ish stajim mehnat daftarchasiga yoziladi, bu esa pensiya yoshiga yetganimda nafaqa tayinlash uchun talab qilinadigan mehnat staji yo‘qligi muammosini bartaraf etadi.
Davlatimiz rahbari tomonidan biz hunarmandlarga yaratilgan bu kabi imkoniyatlardan nihotda mamnunman. Kelajakda faoliyatimni kengaytirib, kamida 4 ta xotin-qizlarni ish bilan ta’minlashni maqsad qildim.
Xulosa o‘rnida shuni aytish mumkinki, aholi bandligini ta’minlash va kambag‘allikni qisqartirish borasida qilinayotgan bu kabi ezgu ishlar mamlakat iqtisodiyotda o‘sishi va albatta aholi farovonligini oshishiga xizmat qiladi.
Toshkent viloyati davlat soliq boshqarmasi matbuot xizmati
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Pnevmatik qurollarni o‘z ixtiyori bilan topshirganlar javobgarlikdan ozod etiladi
Messining salkam 1 million dollarga sotilgan salfetkasi haqida
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi