So‘nggi ikki kunda ikki nafar ichki ishlar organi xodimi koronavirus tufayli vafot etgan. Kun.uz manbasining xabar berishicha, bu pandemiya boshlangandan beri koronavirus sababli ro‘y bergan uchinchi o‘lim holatidir.
13 iyul kuni Toshkent shahar IIBB Axborot texnologiyalari, aloqa va axborotni himoyalash bo‘limi boshlig‘i o‘rinbosari mayor A’loxon Abzalovich Shamahmudov 36 yoshida hayotdan ko‘z yumdi.
14 iyul kuni esa Ichki ishlar vazirligi Migratsiya va fuqarolikni rasmiylashtirish bosh boshqarmasi bo‘limi boshlig‘i podpolkovnik Shavkat Nasirovich Nafasov 48 yoshida vafot etdi.
Ichki ishlar vazirligi, shuningdek, Toshkent shahar IIBB rahbariyati va shaxsiy tarkibi marhumlarning qarindosh va yaqinlariga ta’ziya izhor etgan. Lekin bu xodimlarning o‘limi sababi keltirilmagan.
Sog‘liqni saqlash vazirligi ma’lumotlarida ham bu o‘lim holatlari qayd etilmagan. Manbaning xabar berishicha, bu xodimlar koronavirusdan vafot etgani oshkor qilinmayapti. Rasmiy qaydlarda ularning o‘limi sabablari sifatida boshqa kasalliklar ko‘rsatilgan.
Manbaning ta’kidlashicha, pandemiya davridan beri uch nafar ichki ishlar xodimi koronavirus infeksiyasini yuqtirish oqibatida hayotdan ko‘z yumgan. Ichki ishlar tizimidagi ilk o‘lim holati ham hujjatlarda koronavirus tufayli yuz bergani ko‘rsatilmagan. Marhumda ko‘plab hamroh kasalliklar bo‘lgani uchun o‘lim sababi sifatida shunday kasalliklar ko‘rsatilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi