Foto: Qamashi tuman hokimligi
Qamashi tumani hokimi Sherali Sanayev tuman aholisiga murojaat qildi.
Hokimning so‘zlariga ko‘ra, bugungi kunda tumanda koronavirusdan kasallanganlar soni 53 nafarni, kasallikdan forig‘ bo‘lganlar soni 33 nafarni tashkil etadi. 20 nafar davolanayotgan bemorlar orasida bir nafarining ahvoli og‘ir.
Shuningdek, Qamashida 403 kishi karantinda ekani, tuman dorixonalarida 3 milliard 125 million 400 ming so‘m miqdordagi dori-darmon zaxirasi borligi aytildi.
Ma’lumot uchun, iyul oyi boshida ijtimoiy tarmoqlarda Qamashida koronavirus tarqalgani haqida xabarlar ko‘paygach, bu haqda tuman hokimligi axborot xizmati rasmiy axborot bergandi. 4 iyul holatiga e’lon qilingan o‘sha axborotda tumanda bir nechta fuqaro kuchaytirilgan tibbiy nazoratga olinib, ulardan koronavirusga test olingani va tibbiy xulosalarga ko‘ra, koronavirus qayd etilmagani ma’lum qilingandi.
8 iyul kuniga kelib, Qashqadaryo viloyat maxsus komissiyasining axborotida Qamashi tumanida 11 nafar fuqaroda kasallik qayd etilgani ko‘rsatilgan.
Shuningdek, 11 iyul kuni G‘uzor tumanidagi karantin markazida Qamashi tumanida yashovchi fuqaro qochib ketib, uyiga kelgani xabar qilindi. Mazkur holat ham aholida yana tumanda kasallik ko‘paygani borasida xavotirlar uyg‘onishiga sabab bo‘ldi.
Shu boisdan tuman hokimining 20 iyuldagi murojaati va axboroti ko‘pchilikning e’tiborini tortdi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
O‘zbekistonlik jangchi UFC reytingida top-darajaga ko‘tarilganidan keyin nimalar dedi?
“Zenit” futbolchisi Fayzullayev haqida nimalar dedi?
U-23 Osiyo kubogi. Norchayev finalda gol ursa, to‘purar bo‘lishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Prezidentning yangi qarori bo‘yicha ma’lumot berildi
Sharmandaga shahar keng