Sardobada Captiva’ni hujjatsiz haydab ketgan 18 yoshli qiz YTHga uchrab halok bo‘ldi

^{Foto: Sirdaryo viloyati YHXB}
Sirdaryo viloyati Sardoba tumanida 18 yoshli qiz boshqaruvidagi Captiva ag‘darilib ketgan, oqibatda haydovchi halok bo‘lgan. Bu haqda viloyat YHXB xabar berdi.

Qayd etilishicha, 2020 yil 24 iyul kuni soat 12:10 larda fuqaro 2002 yilda tug‘ilgan U.X. hech qanday tegishli hujjatlarsiz fuqaro R.N.ga tegishli Captiva’ni Sardoba tumani «Qo‘rg‘ontepa» mahallasi hududidan o‘tgan 4R-33 avtomobil yo‘lining Nayman—Dashtobod yo‘nalishi 29-kilometrida boshqarib ketayotib rul boshqaruvini yo‘qotishi natijasida avtomashina ag‘darilib ketgan.

^{Foto: Sirdaryo viloyati YHXB}
Oqibatda haydovchi U.X. tan jarohatlari olib voqea joyida vafot etgan. Holat yuzasidan Sardoba tumani IIB Tergov bo‘linmasi tomonidan surishtiruv ishlari olib borilmoqda.

^{Foto: Sirdaryo viloyati YHXB} “Zamin”ni Telegramʻda oʻqing!